VIII. ALKAIAGA TRAILA UZTAILAREN 22AN OSPATUKO DA

Alkaiagako besten komiteak eta Manttale Mendi Lasterketa taldeak antolatuta VIII. Alkaiaga traila uztailaren 22an ospatuko da 18.00etatik aintzinerat. Aurreko urteetan bezala, lasterketa auzoko inguruetatik igaroko da eta taldeak 3 partaideetakoak izanen dira, emakume batez gutxienez osaturikoak.

Taldeek, erreleboka auzo ingurutik egin beharko dute ibilbidea Baldrun-Sorotik. Korrikalari batek lehenengo itzuli motza egingo du, 2 kilometrotakoa eta 75 metroko desnivela daukana, bigarrengoak luzexeago bat 3 kilometrotakoa eta 150 metrotako desnibela daukana eta azkenak 4 kilometro eta 155 metroko desnibela daukan ibilbide bat. Irteera eta helmuga Alkaiagako zonalde altuan egonen da eta errelebista bakoitzak arto mazorka bat eramango du lekuko gisa.

Antolatzaileek gomendatzen dute, taldeak aldez aurretik eginak izatea eta partaideen izen abizenak mailez bidaltzea alkaiagatrail@hotmail.com helbidera. Talderik izan ezean, antolatzaileek, egunean bertan izena ematen duten parte hartzailentzat taldeak antolatuko dituzte, beti ere kontuan izanda 3ko talde bakoitzean emakumezko bat egon behar duela.

Helduentzako lasterketa baino lehen, haurrentzako lasterketak ospatuko dire 17:30tan.

Errelebokako lasterketaren izen emateak 5 euro balioko ditu eta egunean bertan ordaindu daiteke edota lehenagotik Pikabea harategian Beran. Lehenengo 3 taldeentzako gainera sariak egonen dire. Izen ematean ordaintzen diren 5 euroak eskubidea ematen dute gero ospatuko den afarira joateko eta bertara, ikusle, bizilagun, e.a ere etor daitezke. Hauentzat guztientzat ere 5 eurotan izanen da afariko sarrera.

Data: Uztailaren 23a

Ordua: 18.00 (helduak). 17.30 (haurrak)

Ibilbidea: 3 kilometro. 3 partaidez osatutako taldekako lasterketa eta emakumezko batez gutxienez osaturikoa. Aldez aurreko izen ematea alkaiagatrail@hotmail.com helbide elektronikoan.Izen ematea: Egunean bertan 5 eurotan (afaria barne)Sariak: Lehenengo 3 taldeentzako.

MANTTALE TTIKIREN DENBORALDIA BUKATU DA

2016/2017 denboraldia bukatutzat eman du Manttale Ttiki eskolak azken larunbat honetan. Euskal Herria Mendi Erronka lasterketak betetzen dituen ibilbide batzuk eginez Betelutik Gaintzarako bidea, joan etorrian eginez eskurtsio bat egin genuen haur eta gurasoekin. Itzulerako bidean, haurrek Beteluko Araxes errekako uretan bainu fresko batez gozatu ahal izan zuten. Hurrengo denboraldira arte!

AGERRA MENDI TALDEAK ETA MANTTALEK GAVARNIE ETA TAILLONERA IRTEERA EGINGO DUTE UZTAILAREN 15EAN

Bi urtero bezala, Agerra Mendi Taldeak eta Manttalek mendi irteera bat antolatu dute Gavarnie eta Taillonera, Piriniotan. Txango hau uztailaren 15ean eginen da eta parte hartzean interesatuta dagoen orori zuzenduta dago.

Agerra Mendi Taldeak eta Manttalek, bi mailetako bi irteera desberdin prestatu dituzte. Bietatik eramangarriena Gavarnie herritik irtengo da Bujarueloraino igotzeko, eta bi ordu terdi iraunen duen ibilaldia izanen da hau.

Besteak hasiera col de Tentesen izanen du, Bujaruelotik pasa eta Sarradetseko errefujiora iristeko. Bertatik Errolanen Bretxa igoko da eta hortik Taillonera. Itzulera bide berdinetik izanen da eta 5 ordu terditan eginen da gutti gotti betti ibilbide osoa.

Ondoren, bi martxetako partaideak Bujaruelon elkartuko dira, Taillonen zendutako Loro Pikabea, Xabier Zubieta eta Xabier Saralegiren omenezko monolitoan. Omenaldiaren ondoren Gavarnie herriaren ondoan bazkaria eginen da.

Goizeko 5.45etan irtengo da eskurtsioa Iamoteneako parkinetik Beran eta arratsaldeko 20.00tarako iritsiko da berriz Berara. Prezioa 15 eurotakoa da eta autobus bidaia eta bazkaria barne daude prezio horretan. Izen emateak mugatuak dira eta Berako Pikabea Harategian egingo dira.

Gavarnieko zirkura eta Taillonera eskurtsioa

Data: Larunbata, uztailak 15.

Irteera lekua eta ordua: 5.45. Iamoteneako parkinean, Beran

A aukera: Gavarnie-Collado de Bujaruelo. Bi ordu terdi.

B aukera: Col de Tentes-Bujaruelo-Refugio de Sarradets-Brecha de Roland-Taillon-Brecha de Roland-Refugio de Sarradets-Bujaruelo. 5 ordu terdi

Prezioa: 15 euro (bidaia eta bazkaria barne)

Plaza mugatuak.

Izen emateak : Berako Pikabea Harategian.

BERAKO MENDI ITZULIA MAIATZAREN 21EAN OSPATUKO DA

28 kilometrotako ibilbidea izango da eta Larunera igoera aukeran egongo da. Agerra Mendi Taldeak, datorren igandean maiatzak 21, hamairugarren urtez Berako Mendi Itzulia antolatuko du, 28 kilometro dituen oinezko martxa. Izen emateak www.mendizmendi.com webgunean egin daitezke edota egunean bertan goizeko 6etatik 7.50etara, taldearen egoitzan, Agerra auzoan,10 eurotan federatuentzat (federatuaren txartela aurkeztu behar da) eta 12 eurotan federatuta ez daudenentzat. Puntu honetan bertan emanen zaio hasiera ibilaldiari, goizeko 7 eta 8ak artean.

Partaide bakoitzak kartulina bat jasoko du, kontrolguneetan erakutsi behar izanen duena: Zigorriagan (1h eta 1h 25m artean), Intzolan (1h50 eta 2h45), Larunen (3h10 eta 4h45), Lizuniagan (3h55 eta 4h45), Larregainetan (25. Km 4h45 eta 7h30) eta elkartera iristerakoan (5h15 eta 8h). Ibilbidean zehar 5 anoa puntu egonen dire edari eta janariekin eta azkeneko bat Agerran.

Ohizkoa den bezala, hasiera batean egin zen ibilbidea alderantziz eginen da eta Larunera ogotzeko aukera egonen da, ibilbideko puntu altuenerat.

Partaideak Agerran hasiko dute ibilbidea eta lehenengo jomuga Zigorriagan izanen dute, 6. kilometroan. Manttale eta Ibardin pasa eta gero, Erentzuneko igoeratxoa egin eta Intzolako jeitsiera iritsiko da ibilbidea. Hortik, Deskarga igoko da, Iesola benta pasatuz eta Zizkuitz arte igoko da Larun ttiki eskuinean utziz. Bide horretan Maurice Abeberriren homenez egindako eskulturetatik pasako da. Zizkuitzetik Larun igoko da, ibilbideko punturik altuena delarik 900 metrorekin, gero Lizuniagara jeisteko 4.5 kilometro dituen jeitsierarekin. Larunera igo nai ez dutenek zuzenean Lizuniagara jeitsiko dira bi ibilbideak elkartuko diren puntura. Puntu horretatik, ehiza postuetatik pasako da, aurreko urteetako ibilbidea jarraituz, Santa Barbararaino (400 metro) eta hortik 3 kilometrotako jeitsiera Agerra Mendi Taldearen elkartera jeisteko. Ibilbide zirkular honek ezin hobezko bistak eskeiniko ditu.

Larun gainetaik pasatzen den ibilbideak eta bai Larun alde batera utziz zeharkatzen duenak 28km izango ditu, baina lehenengoak 1750 metroko desnivela izanen du eta bigarrenak 1250.

Nafarroako Mendi Federazioak antolatutako Nafarroako Mendi Martxen Txapelketaren barruan dago Berako Mendi Itzulia. Orain arte, Cásedako martxa zirkularra, Altsasuko Hiru Mendi Zerrak, Eulateko Martxa Ameskoana, Irurtzuneko Sakana ibilaldia eta Etxalarko Mendi Itzulia ospatu dire. Hurrengoak, Sakanari Ibilaldi handia (Maiatzak 11), Berako Mendi Itzulia (Maiatzak 21), Baztango Mendi Ibilaldia (Maiatzak 28), Aralarko Mendi Ibilaldia (Ekaianak 11) Ollo Bailarari Bira (Ekainak 17), Nafarroa Oinez Baztan (Abuztuak 30), Aresoko Itzulia (Irailak 3), Erronkariko Pirinio Altuen martxa (Irailak 23) eta Irañetako Euskal Herriko Erdigunera (Urriak 8).

ESKERRIKASKO DENEI

Lerro hauen bitartez, Berako XIII. Mendi Maratoia antolatzen lagundu duten guztiei eskerrak eman nai dizkiegu. Mila esker bolondres, partaide, ikusle, elkarte, babesle, kolaboratzaile eta gauzak errazten gaituzuen guiztiei. 2018an ikusiko gara berriro.