AZKEN BERRIAK

AZKEN BERRIAK

1 2 3 4 5 6 7

DERRIGORREZKO MATERIALA BERAKO MENDI MARATOI ERDIAN

Aurten Berako Mendi Maratoi Erdia Nafarroako Banakako Mendi Lasterketen Txapelketaren parte izanen da.

Horregatik, Nafarroako Mendi eta Eskalada Kirolen Federazioaren araudian ezartzen den bezala, nahitaezko materiala behar da:

* Haize-babeserako jaka txanoduna eta mahuka luzearekin.

* Manta termikoa edo biziraupenekoa (guttienez 1'20 x 2'10).

* Ur-erreserbarako edukiontzia (guttienez 500 ml).

Lasterketako antolakuntzak derrigorrezko materiala moldatu dezake eguraldiaren edo bestelako egoeren arabera.

BERAN TTIKI TRAIL OSPATUKO DA APIRILAREN 18AN, LARUNBATEAN

Beran apirilaren 18an, Mendi Maratoi Erdiaren bezperan, Tiki Trailaren edizio berria ospatuko da. Haur eta gazteentzako lasterketak Kanttonberri kalean barrena eginen dira. Hain zuzen, aurten Altzate kaleko obrak direla-eta, apirilaren 19an (igandea) egingo den maratoi erdiaren irteera eta helmuga izanen da ere.

Lasterketak 16:30etan hasiko dira eta lau kategoria eta distantzia izanen dira:

• 6-7 urte (2020-2019 jaiotakoak). 250 metro

• 8-9 urte (2018-2017 jaiotakoak). 650 metro

• 10-11 urte (2016-2015 jaiotakoak). 1.450 metro

• 12-13 urte (2014-2013 jaiotakoak). 2.050 metro

Izen-emateak, dohainik, irekiak daude Manttaleko webgunean (www.manttale.com), baina egunean bertan ere egin daiteke 15:30etatik aurrera.

Ez da saririk izanen irabazleentzako, parte-hartzaile guztiek opari bat izango dutelako. 6 urtetik beherakoek parte har dezakete.

Lasterketak amaitzerakoan, parte-hartzaileentzako berendua eskainiko da.

Aritz Arratibel

IBILBIDE GUZTIAK ESKURAGARRI WIKILOC-EN

Manttalek profil berria sortu du Wikiloc aplikazioan (@manttale) eta bertan aurtengo eta aurreko urtetako lasterketen ibilbideak aurki daitezke: Mendi Maratoi Erdia, Gau Krossa, Alkaiaga Trail eta Gazte Trail. Modu horretan, edozein unetan ibilbide guztiak oinez edo korrika egin daitezke.

BEIRA JASOKETA LARUNEN

Aurreko urteetan bezala, duela bi aste Manttaleko kideak Larungo magalera igo ziren Zizkuitzetik Larunera doan lasterketaren tartea garbitzera. Kilometro eskaseko bidea izan arren, lasterketako eremu aldapatsuena da eta kristalak egoten dira, arriskutsua izanik eskuak lurrean jartzen dituzten korrikalarientzat bereziki.

Aritz Arratibel

BERAKO MENDI MARATOI ERDIKO ETA GAZTE TRAILEKO IZEN-EMATEAK ASTELEHENEAN, MARTXOAREN 2AN, ZABALDUKO DIRA

Apirilaren 19an, igandean, XX. Berako Mendi Maratoi Erdia izanen da eta datorren astelehenean, martxoaren 2an, 15:00etatik aurrera izen-ematea zabalduko da www.pb-organisation.com webgunean. 525 dortsal eskainiko dira eta agortzen ez badira, izen-ematea apirilaren 16an itxiko da. Izen-ematearen prezioa 35€ izanen da korrikalari federatuentzako eta 37€ ez federatuentzako. Izena ematerakoan ez da beharrezkoa pb-organisation.com webgunean erregistratzea.

Halaber, Berako Mendi Maratoi Erdia Nafarroako Banakako Mendi Lasterketa Txapelketaren parte izanen da. Berrikuntzei dagokienez, lasterketaren irteera eta helmuga aldatuko dira. Altzateko obrak direla-eta, jada ez dira kiroldegian kokatuko, baizik eta Kanttonberri kalean. Arrazoi beragatik, lasterketaren azken kilometroa aldatu egingo da ere.

Maratoi erdiak hiru zati berri izango ditu, beti ere 21 kilometroko distantzia mantenduz. Lehenengo zatia Usatitasen eta Landagainetaren artean kokatuta dago; bigarrena, Landagainetaren eta Zumalkuren artean; eta, hirugarrena, Itzea eta helmugaren artean.

Dortsalak eta korrikalarientzako boltsak jasotzeko kokalekua aldatuko da: kiroldegian hartu beharrean, Kultur Etxean hartu beharko dituzte. Iaz bezala, ez da edalontzirik eskainiko anoa-postuetan eta korrikalari bakoitzak berea eraman beharko du.

GAZTE TRAIL

Aurreko edizioetan bezala, aurten Gazte Trail jokatuko da ere, 16 eta 18 urte bitarteko nerabeentzat. Ohiko ibilbidea izanen da, nahiz eta irteera eta helmuga Kanttonberrin kokatu.

Izena eman daiteke www.pb-organisation.com webgunearen bidez 7 euroren truke, martxoaren 2tik antzinera.

Aritz Arratibel

HILAREN 10AN BERAN XIX MENDI EGUNA OSPATUKO DA


Datorren urtarrilaren 10ean, larunbatean, Mendi Egunaren hemeretzigarren edizioa ospatuko da Beran, 2007ko urtarrilaren 13an Taillon mendian hildako Loro Pikabearen, Xabier Zubietaren eta Xabier Saralegiren oroimenean. Agerra Mendi Taldeak eta Manttale Mendi Lasterketa Taldeak prestatutako egitaraua larunbatean (10ean) eta igandean (11an) eginen da.


Larunbatean, 14.15ean Santa Barbarako mendi irteerarako zein bikoteko kronoigoerarako izen ematea irekiko da. Kronoigoera eta txangoa kiroldegiko zelaitik abiatuko dira eta, menditontorretik pasa ondoren, hasierako tokira itzuliko dira, 5,5 kilometroko ibilbidea eginez. Txangoa 15.00tan hasiko da, eta kronoigoera 15.30tan.


Kronoigoera edonorentzako irekia dago,baina 16 urtetik beherakoek heldu batekin egon behar dute. Kronoigoerako eta txangoko izen ematea aurreko egunetan zabalduko da Manttaleren web orrian.


15.15ean haurrentzako lasterketa eginen da.


Mendi irteera eta kronoigoera amaitu ostean,luntxa etasari-zozketa eginen dira parte hartu duten guztientzako.


Ondoren,19.30tan, Berako Kultur Etxean Mikel Lizarraldek “Zazpi” dokumentala aurkeztuko du. Eibarko mendizaleak 11 etapatan Euskal Herriko mendi garaienak lotu zituen eta 300 kilometrotan esklerosi multiplea diagnostikatu zioten.


Igandean, hilak 11, mendi irteera eginen da 9.00tan Berako kiroldegitik abiatuta. Mendi irteera Landagaitatik Larun Ttikira igoko da eta handik Berako kiroldegira jaitsiko da, 13 kilometroko ibilbidea eginez.


ANE ELZAURDIA ETA ARITZ ARRATIBEL II BORTZIRIETAKO KOPAKO IRABAZLEAK IZAN DIRA


Ane Eltzaurdiak eta Aritz Arratibelek irabazi zuten larunbatean II. Bortzirietako Kopa, Lizuniagako Igoera (azken proba) jokatu ondoren. Ane Elzaurdiak 400 puntu lortu ditu lehiaketa ezin hobea eginez, zirkuituko bosta lasterketetan gailendu baitzen: Lesakako Zubigaineko Kros Herrikoia, Alkaiaga Trail, Berako Gau Krossa, Agerrako Krosa eta Lizuniagako Igoera. Amaia Jorajuriak bigarren bukatu zuen 365 punturekin eta Amaia Etxartek hirugarren 310 punturekin. Azken sailkapenerako, bost lasterketetako lau emaitza onenak hartzen ziren kontuan.


Gizonezkoetan, Aritz Arratibel, Lesakako eta Lizuniagako irabazlea, nagusitu zen 390 punturekin, Hodei Lujanbioren (355 puntu) eta Gwendal Larqueren (355 puntu) aurretik.


Taldeka, Eziñek irabazi zuen Kopako bigarren edizioa 480 punturekin, Zerbezeruk (455 puntu) eta Xerpak (300) taldeen aurretik. Aitor Etxeberriak (31:05) eta Asier Landartek (31:57), pasa den larunbatean Alkaiaga Trail irabazi zuenak, podiuma osatu zuten bigarren eta hirugarren postuetan, hurrenez hurren.


Azken proban, Lizuniagako Igoeran, 65 korrikalariek parte hartu zuten, iaz baino lau gutxiago. Arratibelek 17 minutu eta 25 segundoko denbora egin zuen, Gwendal Larque bigarren izan zen eta Ion Garraus hirugarren. Ane Elzaurdia irabazlea izan zen emakumeen artean (20 minutu eta 49 segundo), Enea Erkizia bigarren izan zen eta Nahia Pikabea hirugarren. Ion Garraus eta Teresa Igoa izan ziren beterano onenak.


Bortzirietako Kopak arrakastaz itxi du bigarren edizioa, lasterketetako parte-hartzea handitzea eta sustatzea baititu helburu.


2026ra begira, zirkuitua handitzea aurreikusten da, Bortzirietan lasterketa gehiago egiten baitira.


Lerro hauen bidez Beti Gazte, Agerra Mendi Taldea, Gure Txokoa, Manttale eta Alkaiagako jai batzordea, Berako eta Lesakako Udalak, Martiko, Ibardin Fundazioa eta Mazizior Edariak eskertu nahi ditugu antolatzaile gisa emandako babesagatik.


Bortzirietako Kopako lasterketei buruzko informazio guztia www.bortzirikopa.eus webgunean kontsulta daiteke.

Aritz Arratibel
Ane Elzaurdia

II. BORTZIRIETAKO KOPA LIZUNIAGAKO IGOERAN BUKATUKO DA
Azken probaren faltan Ane Elzaurdia eta Aritz Arratibel sailkapenetako buruak dira

Bortzirietako Koparen bigarren edizioa datorren larunbatean, urriak 25, amaituko da Lizuniagako Igoeraren 44. edizioarekin. Ane Elzaurdiak liderra izaten jarraitzen du 400 punturekin eta garaipen guztiekin, orain arte egindako lau lasterketak irabazi baititu: Lesakako Zubigaineko Kros Herrikoia, Alkaiaga Trail, Berako Gau Krossa eta Agerrako Krosa. Bere atzetik Amaia Jorajuriak bigarren postuan jarraitzen du 356 punturekin eta Amaia Etxarte hirugarren postuan 255 punturekin.

Gizonezkoen sailkapenean Aritz Arratibel buru da 375 punturekin, Lesakan lortutako garaipenari esker, baita Alkaiagan eta Agerran taldeka lortutako bigarren postuei esker. Hodei Lujanbio bigarrena da 355 punturekin eta Gwendal Larque hirugarren 330 punturekin.

Taldekako sailkapenean, Eziñin lehena da 718 punturekin eta Xerpak bigarrena 652 punturekin.

Azken sailkapen orokorra egiteko, bost lasterketetatik lautan lortutako posturik onenak kontuan hartzen dira.

Gizonezkoen eta emakumezkoen kategoriako lehen bi sailkatuek eta bi talde onenek Ibardin Fundazioaren, Mazizior Edarien eta Martikoren eskutik sortak jasoko dituzte, Bortzirietako Koparen babesleak baitira.

Gainera, bost lasterketetatik lautan parte hartu duten korrikalari guztiek Berako zein Lesakako udalek dohaintzan emandako oparia izanen dute, Bortzirietako Kopako kolaboratzaileak baitira.

Lizuniagako Igoeran 4,9 kilometroko ibilbidea egin beharko dute parte hartzaileek. Hain zuzen, izen-emateak zabalik daude www.pb-organisation.com webgunean, 8 euroren truke. Egunean bertan izena ematen bada, 12 euro izanen da. Lasterketa 17:00etan izanen da, eta aurretik, 15:30ean, haurrentzako lasterketak eginen dira.

Bortzirietako Kopako lasterketei buruzko informazio guztia www.bortzirikopa.eus webgunean kontsulta daiteke.

TRISTAN JANMARTEK ETA ANE ELZAURDIAK ERREKORREZKO BERAKO GAU KROSSA IRABAZI DUTE


Tristan Janmartek eta Ane Elzaurdiak irabazi zuten ortziralean jokatu zen Berako Gau Krossaren hamaikagarren edizioa, 253 parte-hartzailerekin bere errekorra hautsi zuena. Iparraldeko korrikalaria azken 200 metrotan gailendu zitzaion Aitor Etxeberriari, helmugatik hurbil eroriko bat izan zuenari, eta berarekin lehia polita izan zuen lasterketa osoan zehar.


Janmartek, 2023an ere lasterketa irabazitakoak, 31 minutu eta 3 segundo behar izan zituen lasterketaren bidea osatzeko, Bera inguruan asfaltoz eta mendiz betetako 7,8 kilometroko ibilbidean.


Aitor Etxeberriak (31:05) eta Asier Landartek (31:57), pasa den larunbatean Alkaiaga Trail irabazi zuenak, podiuma osatu zuten bigarren eta hirugarren postuetan, hurrenez hurren.


Emakumezkoen kategorian, Ane Elzaurdiak beratarrak bere laugarren garaipena lortu zuen lasterketa honetan, 37 minutu eta 10 segundoko denborarekin. Bertze beratar batek, Ainhoa Etxegaraik (38:43), 2024ko bigarren postua errepikatu zuen eta Amandine Gomanek (41:37) hirugarren bukatu zuen. Guztira 65 emakumek hartu zuten parte.


Kuadrila arteko lehian Eztakit taldeak irabazi zuen, Antzineraren aurretik.


Guztira 253 korrikalarik hartu zuten parte lasterketan, probaren hamaika edizioetako parte-hartzerik jendetsuena izanik, 2024ko 211 korrikalariak gaindituz, orain arteko markarik onena zena.


Berako hiru kuadrilek eraman zuten kuadrilarik jendetsuenaren saria: Hankak Errestan, Morzillo eta Eztakit. Kuadrila bakoitzak 10 korrikalarirekin hartu zuen parte.


Proba giro ederran ospatu zen, hagitz tenperatura atsegineko gau batean, eta jende eta musika aunitz bildu zen ibilbideko hainbat lekutan.

Podio Alkaiaga Trail 2022
Neskak Alkaiaga Trail 2022

ASIER LANDARTEK ETA ANE ELZAURDIAK XIV. ALKAIAGA TRAILA IRABAZI DUTE


ANE ELZAURDIA ETA ARITZ ARRATIBEL II. BORTZIRIETAKO LIDERRAK DIRA


Asier Landartek eta Ane Elzaurdiak larunbatean irabazi zuten Alkaiaga Trailaren hamalaugarren edizioa, 58 korrikalari helduk eta 23 haurrek parte hartu zutelarik.


Bigarren urtez, Alkaiaga Traileko lasterkariek 7,5 kilometroko ibilbidea egin zuten auzoko txokoetatik barrena. Landart irundarra azkarrena izan zen 29 minututan eta 48 segundoan, ondoren Aritz Arratibel (30:18) eta Hodei Lujanbio (30:37).


Ane Elzaurdiak 2024an lortutako garaipena errepikatu zuen. Amaia Jorajuria bigarrena izan zen (40:21) eta Ainhoa Jauregi hirugarren (40:21).


Arratibel eta Elzaurdia II. Bortzirietako Kopako liderrak dira Alkaiaga Trail ondoren, zirkuituko bigarren proba izanik. Hala ere, Bortzirietako Kopak bertze hiru proba barne hartzen ditu: Berako Gau Krossa (abuztuak 1), Agerrako Krossa (abuztuak 30) eta Lizuniagako Igoera (urriak 25).


Zerbezeruk taldea Kopako taldekako sailkapeneko liderra da. Informazio gehiagorako, Bortzirietako Kopako sailkapen guztiak eskuragarri daude www.bortzirikopa.eus webgunean.


16 urte baino gazteagoentzako lasterketan, hiru kilometroko ibilbidean Iker Zestau azkarrena izan zen (13:03), Negu Lizeaga (13:43) lehen neskaren aurretik.


Nerabeen eta helduen lasterketak baino lehen, haurrentzako lasterketak izan ziren eta 23k parte hartu zuten.

Podio Alkaiaga Trail 2022
Neskak Alkaiaga Trail 2022

ANE ELZAURDIAK ETA ARITZ ARRATIBELEK LESAKAN OSPATUTAKO LASTERKETAN IRABAZI DUTE ETA LEHEN POSTUAN KOKATU DIRA BORTZIRIETAKO KOPAN


Aritz Arratibel hondarribitarrak eta Ane Eltzaurdia beratarrak irabazi zuten larunbatean Beti Gatzek antolatutako Zubigaineko Kros Herrikoia lasterketaren seigarren edizioa. Halaber, II. Bortzirietako Kopako lehen liderrak bihurtu dira. Taldeka, Bortzirietako Kopako lehen taldea Eziñin izan da.


7 kilometroko ibilbidea egin ondoren, Hodei Lujanbio eta Gwendal Larqueren aurretik irabazi zuen Arratibelek. Aldiz, emakumeen sailkapenean Amaia Jorguriak bigarren postua lortu zuen eta Amaia Etxartek, hirugarrena.



Gazte mailan Ulises Sarasua Cano etxalartarra izan zen garaile; junior mailan, Unax Urtxegi Rodrigo igantziarra; alebin mailan, Eneritz Muñoa Sanjuan eta Ibai eta Oihan Iturbide Royo; benjamin mailan, Enea Mitxelena Beristain eta Martxel Criado Arruabarrena; prebenjamin mailan, Maddi Mutuberria Zelaieta eta Danel Maritxalar Muñoa y en ttikitan, Mara Perotxena Elgorriaga eta Oihan Lujanbio Arbelaitz 89 korrikalarik parte hartu zuten proba guztietan.


ALKAIAGA TRAIL, HURRENGO PROBA


Bortzirietako Kopako hurrengo lasterketa Alkaiaga Trail izango da uztailaren 26an. Izena emateko alkaigatrail@hotmail.com helbidera mezu bat bidali behar da izen-abizenekin, NANarekin eta jaiotze-datarekin. Hala ere, egunean bertan izena eman daiteke ere.


Izen-emateak 7 euro balio du eta parte hartzaile guztientzako bokata eta istripu-asegurua barne hartzen ditu. Alkaiaga Trail lasterketak bi ibilbide izanen ditu: 14 urtetik beherakoek 3 kilometroko ibilbidea egin beharko dute, eta gainerakoek 7 kilometro eta 300 metroko desnibela. Gainera, haurrentzako lasterketa izango dira ere. Proba 17:00etan hasiko da, txikienentzako lasterketekin, eta 17:30ean helduentzako lasterketa izango da.


GAU KROSAKO IZEN-EMATEA


Hirugarren proba Gau Krosssa izanen da, abuztuaren 1ean, 22:00etan. Izen-emateak www.pb-organisation.com webgunean egin daitezke abuztuaren 31a arte 10 euroren truke. Lasterketaren egunean izena emateko 14 euro ordaindu beharko dira. Izen-ematearen gehienezko kopurua 250 izanen da.


LASTERKETEI BURUZKO INFORMAZIO GUZTIA WEB HONETAN KONTSULTA DAITEKE www.bortzirikopa.eus

Argazkiak: Beti Gazte


AURTEN LESAKA BATU EGIN DA II. BORTZIRIETAKO KOPAN


Ekainaren 21ean Zubigaineko Kros Herrikoak hasiera emanen dio udan zehar eginen diren lasterketen egutegiari, bertzeak bertze, Alkaiaga Trail, Berako Gau Krossa eta Lizuniagako Igoera.


Lesakak Bortzirietako Koparen bigarren edizioarekin bat eginen du aurten. Bortzirietako lasterketa herrikoien egutegia 2024an estreinatu zen korrikalarien parte-hartzea sustatzeko banaka zein taldeka. Zubigaineko Kros Herrikoia lasterketaren seigarren edizioa, Beti Gaztek antolatuta, ekainaren 21ean, larunbatean, 11:00etatik aitzinera jokatuko da II. Bortzirietako Kopako lehen lasterketa izanik. Izen-ematea irekia dago www.kronoak.com webgunean 16 urtetik aurrerako kategorientzako 5 euroko prezioan. Hala ere, egunean bertan izena eman daiteke 10:00etatik aitzinera Arretxeako Plazan.


Maila absolutuko eta gazte mailako korrikalariek 6 kilometro egin beharko dituzte. Horrez gain, txikien (200 metro; 2021etik aitzinera jaiotakoak), benjaminaurrekoen (300 metro; 2018-2020), benjaminen (450 metro; 2016-2017), kimuen (900 metro; 2014-2015) eta juniorren (3 kilometro; 2020-2013) lasterketak eginen dira. Irabazleak 100 euro eta garaikur bat jasoko ditu, gazteen sailkapeneko irabazleak domina eta 70 euroko bonua, juniorrek domina eta 60 euroko bonua, eta haur guztiek (txikietatik kimuetara) domina bana.


Lesakako lasterketaren ondotik egutegiko gainerako probak jokatuko dira: Alkaiaga Trail (uztailak 26, 7 kilometro), Berako Gau Krossa (abuztuak 1, 7,9 kilometro), Agerra Krossa (abuztuak 30, 5,8 kilometro) eta Lizuniagako Igoera (urriak 25, 4,9 kilometro). Lehiaketa berria asteazkenean aurkeztu zuten Beran Beti Gazteko, Gure Txokoa Elkarteko, Manttaleko, Agerra Mendi Taldeko eta Alkaiagako Jai Batzordeko ordezkariek.


2024ko lehen edizioaren gisa, Bortzirietako Kopak banakako sailkapena izango du proba bakoitzaren amaieran parte-hartzaileek batuko dituzten puntuei esker. Banakako sailkapen orokorrean agertzeko bost lasterketetatik lautan parte hartu beharko da, eta lau lasterketetako denbora onenak kontuan hartuko dira. Gainera, bertze behin ere, gizonezkoen, emakumezkoen edo bien arteko taldeak sortzeko gonbidapena luzatu nahi da, Bortzirietako zein bertzeko lekuetako korrikalariek osatuz.


Taldekako sailkapenean parte hartzeko, parte-hartzaile bakoitzak bere taldearen izena jarri beharko du lasterketa bakoitzean izena ematerakoan. Lasterketa batean puntuatzeko, gutxienez talde bakoitzeko hiru kideek parte hartu beharko dute, talde bakoitzeko lehen hiru sailkatuak hartuko baitira kontuan. Talde bakoitzak egutegiko bost lasterketetatik gutxienez lau jokatu beharko ditu.



Zirkuituaren amaieran, azken lasterketan (Lizuniagako igoera) sariak egonen dira gizonezkoen eta emakumezkoen lehen sailkatuentzat, 16 eta 18 urte bitarteko lehenengoentzat eta lehen taldeentzat.


Horrez gain, bost lasterketetatik lauk (Zubigaineko Kros Herrikoia, Alkaiaga Trail, Agerra Krossa eta Lizuniagako Igoera) 16 urtetik beherakoentzako lasterketak antolatuko dituzte.


Kartela: Kattalin Berasain


LASTERKETARI BURUZKO INFORMAZIO GUZTIA www.bortzirikopa.eus webgunean kontsulta daiteke.


<

OIER ARIZNABARRETAK ETA AINARA URRUTIAK IRABAZI DUTE BERAKO XIX. MENDI MARATOI ERDIA


Oier Ariznabarreta, ordubete, 45 minutu eta 6 segundoko denborarekin, eta Ainara Urrutia, 2 ordu, 7 minutu eta 59 segundorekin, izan dira gaurko txapeldunak Beran ospatu den hemeretzigarren Mendi Maratoi Erdian.


Korrikalari durangarra bederatzigarren aldiz izan da Berako lasterketako irabazlea, Unai Zialtzeta eta Joseba Erroren aitzinetik, bigarren eta hirugarrenak, hurrenez hurren, 21 kilometro eta 2.700 metro baino gehiagoko desnibeleko ibilbidean.


Ariznabarreta lasterketaren buru izan da une oro, eta helmugara nabarmen horrela iritsi da, Zialtzetari bi minutu baino gehiagoko aldea aterata. Podiuma lortzeko borroka hagitz estua izan da, izan ere 48 segundoko aldea izan baita bigarren izan den Zialtzetaren eta seigarren izan den Iñigo Macíasen artean. Laugarren Walter Bezerra izan da, Beran jokatu duen bere azken lasterketan. Oier Ariznabarretak, 2024ean parte hartu gabeak, bere bederatzigarren garaipena eskuratu du.


Emakumezkoen kategorian, Ainara Urrutiak 2024an lortu zuen garaipena errepikatu du. Aretxabaletako korrikalariak minutu bat baino gutxiagoko aldea atera dio Maddalen Jimenez beratarri, 2024ko irabazleari, eta ia lau minutukoa Ainhoa Insaustiri.


Guztira 513 korrikalarik hartu dute parte proban, eta horietatik 502 iritsi dira helmugara. Proba euriarekin, hotz pixka batekin eta Ibardin eta Larunen laino aunitzekin hasi da, baina goiza pasa ahala euria egiteari utzi dio.


Ariznabarretak ezin izan du berak ezarritako ordubeteko, 37 minutuko eta 30 segundoko errekorra gainditu. 150 euroko saria zuen Ibardingo tarteko helmuga Ariznabarretarentzat izan da.


Gazte Trail


Gazte Trailean, gizonezkoen jubenilen mailan Iker Sanchezek Juan Pes eta Unai Gallarragueren aitzinetik irabazi du, Beran hasi eta bukatu den 9,5 kilometroko ibilbidea eginez.


Kadeteen kategorian, gizonezkoen proba Victor Fernandezek eraman du, eta emakumezkoetan Lide Lizeagak. Infantiletan, aldiz, Martin Argüelles eta Sihets Aguirre izan dira txapeldunak.


Taldeka Zanpatuz taldea gailendu da, Intxixu Trailen aurretik.


Argazkiak: Ane Molinero


<

AURTENGO KAMISETA

Hona hemen aurtengo kamiseta.



ZABOR ETA KRISTAL BILKETA LARUNEN


Urtero bezala, gaur larunbata Manttaleko kideak Larunera igo gara Zizkuitzetik Larunera (arroketatik), Berako Mendi Maratoi Erdiaren ibilbidea kristalez eta kablez garbitzeko.


Garbiketa honekin, datorren igandean, apirilak 13, Berako Mendi Maratoi Erdian parte hartzen dutenek kristalak moztea saihesten dugu; izan ere, malda handiko gunea denez, askok eskuak lurrean jartzen dituzte aldapa igotzeko.



Eskerrik asko garbiketan parte hartu duzuenoi.


MARTXOAREN 23AN IBILBIDEA EZAGUTZEKO GELDITU GARA


Manttalek Berako Erdi Maratoiaren ibilbidea ezagutzeko hitzordua antolatu du martxoaren 23rako.


Hitzordua 9:00etan izango da, lasterketaren irteeran, kiroldegiaren ondoan.


AURTENGO KARTELA


Eskerrik asko urtez urte Berako Mendi Maratoi Erdiaren antolakuntzan laguntzen gaituzuen babeslei, kolaboratzailei, entitatei eta erakundei.


.


¡¡¡¡IZEN EMATEAK AGORTUTA !!!!


Berako Mendi Maratoi Erdirako eskuragarri jarritako 525 dortsalak bukatu dira. Hemendik antzinera itxaron zerrenda zabalik dago. Eskerrik asko parte hartzeagatik



BERAKO MENDI MARATOI ERDIA⛰ ⚠❗OHAR GARRANTZITSUA❗⚠


Arazo teknikoak daude izen-ematearen plataformarekin, taldearen antolakuntzarekin zerikusirik ez dutenak, eta ondorioz, izen-emate hasiera bihar izanen da, martxoak 6 ortzeguna, 15.00etan. Barkatu eragozpenak.



BERAKO MENDI MARATOI ERDIAN ETA GAZTE TRAILEAN IZENA EMATEKO EPEA ASTELEHENEAN,MARTXOAREN 5EAN, IREKIKO DA


Aurten lasterketa Nafarroako Mendi Lasterketen Zirkuituaren parte izanen da ere, eta gazteena Nafarroako Kirol Jokoen barne


Berako Mendi Maratoi Erdiko hemeretzigarren edizioa apirilaren 13an izanen da eta parte hartzeko izen-ematea martxoaren 5ean, asteazkenean, irekiko da www.pb-organisation.com web orrialdean 15.00etatik aitzinera. 525 dortsal eskainiko dira. Hala ere, dortsal guztiak amaituko balira, izen-ematea apirilaren 10ean bukatuko da.


Izen-ematearen prezioa iazko bera izanen da: 33 euro korrikalari federatuentzat eta 35 eurokoa federatu gabeentzat. Bertzalde, izena emateko ez da beharrezkoa aldez aurretik pb-organisation.com webgunean erregistratzea.


Berako Mendi Maratoi Erdia Nafarroako Mendi Lasterketen Zirkuituan sartzen da. Zirkuituak 24 proba ditu, eta Berakoa baliagarria izango da Nafarroako sailkapenerako, urtean zehar zirkuituko lasterketa guztiak puntuatzen baitira. Iaz bezala, aurten ez da edalontzirik egonen jan-edanak hartzeko tokietan eta norberak berea eraman beharko du.


Aurreko edizioen antzera, aurten Gazte Trail antolatu dute ere, 14 eta 17 urte bitarteko gazteei bideratuta. Izan ere, lasterketa hau Nafarroako Kirol Jokoetan sartzen da ere. Gazte Trail hirutan zatituta dago: haur-kategoria (2011-2012an jaioak), kadeteak (2009-2010ean jaioak) eta gazte-kategoria (2007-2008an jaioak), eta adinaren arabera, distantzia ezberdinak egin beharko dituzte. Era berean, izen-emateak www.pb-organisation.com webgunean irekiko da martxoaren 5ean, 7 euroren truke.


Berako Mendi Maratoi Erdiaren bezperan, apirilak 12, haurrentzako lasterketak eginen dira Matzada futbol zelaian. Izen-ematea arratsaldeko 15.00etan irekiko da eta probak 16.00etatik aitzinera izanen dira, lau sailkapen eta distantziak desberdinduz: 6-7 urte (2019-2018an jaioak) 250 metro; 8-9 urte (2017-2016an jaioak) 650 metro; 10-11 urte (2015-2014an jaioak) 1.450 metro eta 12-13 urte (2013-2012 jaioak) 2.050 metro


150 LAGUNEK BAINO GEHIAGOK PARTE HARTU ZUTEN BERAKO XVIII. MENDI EGUNEAN


36 bikotek eta 14 hirukotek parte hartu zuten Santa Barbarako erlojupekoan


150 pertsona baino gehiagok parte hartu zuten larunbatean Manttalek eta Agerra Mendi Taldeak Berako Mendi Egunaren hemezortzigarren ediziorako antolatutako ekintzetan, 2007ko urtarrilaren 13an Taillon mendian hildako Xabier Zubieta, Loro Pikabea eta Xabier Saralegi mendizaleen oroimenez. Nahiz eta eguraldia txarra izan, mendi irteera eta Santa Barbarako erlojupekoa euririk gabe burutu zuten.


Mendi ibilaldi gidatuarekin hasi zuten arratsaldeko programazioa, eta 30 bat lagunek eman zuten izena, nahiz eta pertsona gehiagok ibilbidea beraien kabuz egin. Gainera, hogei bat neska-mutikok parte hartu zuten txikientzako lasterketan.


Erlojupekoan, 36 bikotek eta 14 hirukotek izena eman zuten (2024an baino gehiago) Santa Barbarako igoera eta jaitsiera egiteko (5,5 kilometro ingurukoa), kiroldegitik minutuz minutu aterata.


Erlojupekoa amaitu ostean, martxan eta erlojupekoan parte hartu zuten guztiek berenduaz eta oparien zozketaz disfrutatu zuten kiroldegiko zelaigunean.


Mun Brakk II. Izar gorri, mamuon betiko argi ikus-entzunezkoak eman zion amaiera egunari. Ekaitz Maizek aurkeztuta, joan den udan Mun Brakk II (5.430 metro) mendira egin zuen espedizioari buruz, Baltistango tontor ezezaguna. Emanaldiaren ostean, mendizale nafarrak ikus-entzuleen galderak erantzun zituen kultur etxean.


Mendi Egunak jarraipena izan zuen igandean, Beratik Muga 8ra mendi martxa eginez, Manttaletik, Ibardinetik (hamaiketakoa barne), Usatitatik pasatuz eta Berara itzuliz.



HILAREN 11N BERAN XVIII MENDI EGUNA OSPATUKO DA


LARUNBATEAN, HILAK 11, “MUN BRAK II. IZAR GORRI, MAMUON BETIKO ARGI” DOKUMENTALA AURKEZTUKO DUTE ETA IGANDEAN, HILAK 12, TXANGOA EGINEN DUTE


Datorren larunbatean, urtarrilak 11, Mendi Egunaren hemezortzigarren edizioa izanen da Beran, Loro Pikabea, Xabier Zubieta eta Xabier Saralegiren omenez, 2007ko urtarrilaren 13an hil baitziren Taillon mendian. Agerra Mendi Taldeak eta Manttale Mendi Lasterketa Taldeak urtarrilaren 11rako (larunbata) eta 12rako (igandea) egitarau zabala prestatu dute.


Larunbatean, 15.15ean, Santa Barbararako mendi irteerarako zein bikoteko kronoigoerarako izen-ematea irekiko da. Dena dela, izen-ematea aurreko egunetan zabalduko da Manttaleren posta elektronikora idatzita (manttaletaldea@gmail.com), Pikabea Harategian edo Purienean.


Bi ekintzak kiroldegiko zelaitik abiatuko dira, eta mendi tontorretik pasatu ostean, hasierako tokira itzuliko dira, 5,5 km-ko ibilbidea eginez. Mendi irteera 15.00tan hasiko da eta kronoigoera 15.30ean. Kronoigoera edonorentzako irekia dago, baina 16 urtetik beherakoek heldu batekin egon behar dute.


15.15ean haurrentzako lasterketa eginen da ere.


Mendi irteera eta kronoigoera amaitu ostean, luntxa eta sari-zozketa eginen dira parte hartu duten guztientzako.


Ondoren, 19.00etan, Kultur Etxean Ekaitz Maizek “Mun Brakk II. Izar gorri, mamuon betiko argi” dokumentala aurkeztuko du. Josu Linaza mendizale nafarrak eta Markel eta Oier de la Fuente anaiek Mun Brakk II.aren (5.430 metro) orratzari egin zioten lehen igoera azaltzen du dokumentalak, Karakorum mendikateko gune oso ezezagunean kokaturik.


Berrikuntza gisa, igandean, hilak 12, mendi irteera eginen da 9.00etan Berako kiroldegitik abiatuta. Postas eta Komiziarretik igoko dira Muga 8raino eta ondoren Manttaletik pasako diraa Ibardinen hamaiketakoa egiteko. Atsedena eta gero, Usatitasera joanen diraa, eta handik berriro Berako Kiroldegira.



2025KO LASTERKETEN DATAK PREST DITUGU


Baditugu 2025an antolatuko ditugun lasterketen datak. Ohi bezala, Mendi Egunarekin estreinatuko dugu urtea urtarrilaren 11n, larunbatean. Berako Mendi Maratoi Erdia apirilaren 13an izango da, igandea. Bestalde, Alkaiaga Traila uztailaren 26an izango da, larunbata, eta Gau Krossa abuztuaren 1ean, ostirala.

MENDI EGUNA. URTARRILAK 11 LARUNBATA


BERAKO MENDI MARATOI ERDIA. APIRILAK 13 IGANDEA


ALKAIAGA TRAIL UZTAILAK 26 LARUNBATA


GAU KROSSA. ABUZTUAK 1 OSTIRALA


AINARA MENDIBURU ETA IBON ERDOZAIN, I. BORTZIRIETAKO LASTERKETA HERRIKOIEN KOPAKO IRABAZLEAK


Ainara Mendiburuk eta Ibon Erdozainek irabazi zuten larunbatean I. Bortzirietako Herrikoien Kopa, azken proba, Lizuniagako Igoera, jokatu ondoren.

Mendiburuk 312 puntu lortu zituen zirkuituko lau lasterketetan: Alkaiaga Trail, Berako Gau Krossa, Agerrako Krosa eta Lizuniagako Igoera. Elzaurdiak, lau probetatik hiru irabazi arren (Alkaiaga, Gau Krossa eta Lizuniaga), bigarren amaitu zuen 300 punturekin, ez baitzuen Agerran parte hartu. Hirugarren postua Aintzane Goienetxerentzat izan zen, 277 puntu lortuz lau lasterketetan.


Gizonezkoen kategorian, Ibon Erdozain, Alkaiaga Traileko irabazlea, 355 punturekin, Gwendal Larquerekin, 350 punturekin, lehia polita izan ondoren. Larquek hirugarren bukatu zuen Lizuniagan, Erdozainen aurretik baina garaipenaren atarian geratu zen. Hirugarren postua Mikel Elzaurdiarentzat izan zen (282 puntu).


Azken proban, Lizuniagako Igoeran, 69 parte-hartzaile izan ziren, 2024koaren bikoitza. Joseba Elizagoienek, 17 minutu eta 31 segundoko denborarekin, Eneko Garin izan zuen bigarren eta Gwendal Larque. Ane Elzaurdia bederatzigarren izan zen emakumezkoen artean (19 minutu eta 52 segundo), Amélie Breueil bigarren eta Ana Reina hirugarren. Joseba Lasarte eta Ana Reina izan ziren beteranorik onenak.


Bortzirietako Kopak arrakastaz itxi du bere lehen edizioa, lortu nahi zen helburua lortu baita: lasterketetan parte-hartzea handitzea. Lau probek 2024an 2023an baino parte-hartzaile gehiago izan dituzte. 2025era begira, zirkuitua handitzea aurreikusten da, Bortzirietan lasterketa gehiago egingo baitira.


Lerro hauetatik Agerra Mendi Taldea, Gure Txokoa, Manttale, Alkaiagako jai batzordea, Bera eta Lesakako udalak, Martiko, Ibardin Fundazioa, Mazizior Edariak eta Zalain Janarien antolatzaileen babesa eskertu nahi dugu.

SAILKAPENAK


GIZONAK


1. Ibon Erdozain 355 p.


2. Gwendal Larqué 350 p.


3. Mikel Elzaurdia 282 p.


EMAKUMEAK


1. Ainara Mendiburu 312 p.


2. Ane Elzaurdia 300 p.


3. Aintzane Goienetxe 277 p.


TALDEAK


1. Bortziriak 395 p.


2. Azken Dinosaurioak 355 P.


3. Attonkaxkuk 340 p.


4. Eztakit 195 p.


5. Aintzinera 185 p.


I. BORTZIRIETAKO LASTERKETA HERRIKOIEN KOPAKO AZKEN PROBA LIZUNIAGAKO IGOERA IZANEN DA


I. Bortzirietako Lasterketa Herrikoien Kopa urriaren 26an, larunbatean bukatuko da, Lizuniagako Igoerarekin batera. Gure Txokoak antolatutako lasterketa zirkuituko azkenekoa izango da, Agerrako Krosa, Gau Kroosa eta Alkaiaga Trail udan izan baitira.

Ainara Mendiburu emakumezkoen sailkapeneko liderra da 236 punturekin, Aintza Goienetxeren (213, Attonkaxkuk taldea) eta Ane Eltzaurdiaren (200, Eztakit) aurretik. Gizonezkoetan, Ibon Erdozain liderra da (270 puntu, Eztakit), Gwendal Larque (260, Bortziriak) eta Dani Iparragirreren (236, Bortziriak) aurretik.


Taldeka, Bortziriak liderra da (295 puntu), Azken Dinosaurioak bigarren (265), Attonkaxkuk hirugarren (260), Eztakit laugarren (195) eta Aintzinera bosgarren (90).


Bortzirietako Lasterketa Herrikoien Kopako lehen eta bigarren sailkatuak zein lehen bi taldeek babesleen sorta eramango dute sari gisa (Martiko, Ibardin Fundazioa eta Mazizior Edariak).


Gainera, aurreko hiru lasterketetan parte hartu duten eta Lizuniagako Igoeran parte hartuko duten guztiek Zalain Janariak eskainitako saria jasoko dute.


Lizuniagako Igoera urriaren 26an, larunbata, ospatuko da 17:00etatik aurrera 4,9 kilometroko distantzia eginez. Haurrentzako lasterketak 15:30etik aurrera izango dira.


Helduek aldez aurretik www-pb-organisation.com webgunean izena eman dezakete bost euro ordainduta eta bertzenaz, egunean bertan 10 euro ordainduta. Proba 14 urtetik gorakoentzat zabalik dago. Irteera Eztegarako pilotalekutik izango da.

150 euroko saria egongo da Chakib Lagcharren gizonezkoen errekorra (15 minutu eta 55 segundo 2019an) eta Majida Maayoufen emakumezkoen errekorra (18 minutu eta 20 segundo 2021ean) gainditzen dutenentzako.


ANDER ETA MIKEL ARAMENDI ANAIEK, ETA ELENA BARISTAINEK AGERRAKO KROSSA 41. EDIZIOA IRABAZI ZUTEN


Ander eta Mikel Aramendi anaiek hirugarren urtez irabazi zuten pasa den larunbatean Berako Agerra auzoan ospatutako Agerra-Luis Mari Apeztegia Memoriala krosa. Emakumezkoetan Elena Beristain nagusitu zen.

Bi anaiak elkarrekin sartu ziren helmugan, 5,8 kilometroko ibilbidea (zirkuituari lau itzuli) 19 minutu eta 55 segundotan osatu ondoren. Hirugarren Hodei Lujanbio izan zen, azken Gau Krossa irabazi zuena, eta laugarren Gwendal Larqué beratarra.


Elena Beristain izan zen emakumerik azkarrena, 27:06ko denborarekin, Ainhoa Jauregi eta Joelle Boisaratieren aurretik.


145 korrikalarik baino gehiagok parte hartu zuten Agerrako lasterketetan, aurrebenjamin, benjamin, alebin, infantil eta junior mailetatik hasi eta senior eta beteranoetaraino.


AGERRA MENDI TALDEAK ETA MANTTALEK GAVARNIE ETA TAILLONERA IRTEERA EGINGO DUTE ABUZTUAREN 31N


Agerra Mendi Taldeak eta Manttalek bi urtean behin egiten duten Taillon mendirako irteera antolatu dute abuztuaren 31rako, larunbatean. Txangoan edonork izena eman dezake.


Agerra Mendi Taldeak eta Manttalek, bi mailetako bi irteera desberdin prestatu dituzte. Bietatik eramangarriena Gavarnie herritik irtengo da Bujarueloko lepora igotzeko, 4 ordu inguruko ibilbidea eta 600 metroko desnibelarekin.


Beste aukera, gogorragoa izango dena, col de Tentesetik aterako da, Bujaruelotik pasa eta Sarradetseko aterpetxera iristeko. Bertatik Errolanen Bretxa igoko da eta hortik Taillonera. Itzulera bide berdinetik izanen da eta 6 ordu inguruko iraupena eta 1.200 metroko desnivela egingo dugula kalkulatu dugu


Ondoren, bi martxetako partaideak Bujaruelon elkartuko dira, Taillonen zendutako Loro Pikabea, Xabier Zubieta eta Xabier Saralegiren omenezko monolitoan. Omenaldiaren ondoren Gavarnie herriaren ondoan bazkaria eginen da.


Txangoa goizeko 5.30tan irtengo da Iamoteneako parkinetik, Beran, eta arratsaldeko 21.00-22.00etarako iritsiko da berriz Berara. Prezioa 30 eurokoa da eta autobus, bidaia eta bazkaria barne daude prezio horretan.


Izen emateak mugatuak dira eta Agerrako Pikabea Harategian egingo dira. Izena emateko orduan izena, abizena, telefono zenbakia eta NAN eman beharko dira.


AGERRAKO BESTETAN, ABUZTUAREN 24AN, 41. LUIS MARI APEZTEGIA KROSSA IZANEN DA


Berako Agerra auzoko bestetan, urtero bezala, abuztuaren 24an, larunbatean, 41. aldiz Luis Mari Apeztegiaren oroimenezko krossa ospatuko da. Agerrako Jai Batzordeak Manttaleren laguntzarekin antolatzen du proba hau eta aurten I. Bortzirietako Lasterketa Herrikoien Koparen parte da.


Zirkuituko hirugarren lasterketa izanen da, Alkaiaga Trail eta Gau Krossa ostean, eta urriaren 26an Lizuniagako Igoeraren faltan.


Ibon Erdozain eta Ane Elzaurdia dira Bortzirietako Lasterketa Herrikoien Kopako bi liderrak. Erdozain gizonezkoetan lehenengoa, Gwendal Larqueren eta Dani Iparragirreren aurretik. Era berean, emakumezkoetan, Ane Elzaudia zirkuituko liderra da, Ainara Mendibururen eta Aintzane Goienetxeren aurretik. Taldeka, Eztakit eta Bortziriak berdinduta daude lidergoan (195 puntu).


Aipatu bezala, Agerrako Krossa 18.00tan hasiko da haurren lasterketekin. Txikienek 150 metroko distantzian parte hartuko dute, aurrebenjaminek 300, benjaminek 400, alebinek 800, eta infantilek 1.200ekoan.


18.30tan helduen lasterketa izanen da, bertan, junior, senior eta beteranoen kategoriek parte hartuko dute, eta distantzia ezberdinak burutuko dituzte kategoriaren arabera. Horrela juniorrek, (gizon eta emakume) bi bira emango diete auzoko zirkuitoari, 2.900 metro osatuz.


Bai gizonezkoetan, baita emakumezkoetan ere, senior eta beteranoek lau itzuli emango dituzte 5.800 metro lasterketa osatzeko.


Izen emateak, egunean bertan egin ahal izanen dira irteeran, eta proba bukatzerakoan sari banaketa egonen da irabazleentzat.


HODEI LUJANBIOK ETA ANE ELZAURDIAK BERAKO HAMARGARREN GAU KROSSA IRABAZI DUTE


Hodei Lujanbiok eta Ane Elzaurdiak irabazi zuten ortzegunean Berako Gau Krossaren hamargarren edizioan. Goizuetako korrikalariak 32 minutu eta 39 segundo behar izan zituen lasterketaren 7,8 kilometroko ibilbidea osatzeko, asfaltoz eta mendiz betea, Bera inguruan.


Tristan Janmart 2023ko irabazleak (33:10) eta Ibon Erdozain beratarrak (33:37) osatu zuten podiuma, bigarren eta hirugarren postuetan, hurrenez hurren.


Emakumezkoetan, Ane Elzaurdia beratarrak bere hirugarren garaipena lortu zuen 37 minutu eta 53 segundoko denborarekin. Ainhoa Etxegarai beratarra (40:03) bigarren izan zen eta Nerea Amilibia beteranoak hirugarren bukatu zuen (41:47). .


Kuadrilen arteko sailkapenean Eztakit kuadrila beratarra izan zen irabazlea, Attonkaxkuken aitzinetik.


Guztira 211 korrikalarik parte hartu zuten lasterketan, probaren hamar edizioetako parte-hartzerik jendetsuena, 2023ko 156 korrikalariak gaindituz, orain arteko markarik onena zena.


Giro alaian ospatu zen proba, hagitz tenperatura atsegineko gau batean, eta jende eta musika ugari izan zen ibilbideko hainbat gunetan.


Lerro hauen bidez eskerrak eman nahi dizkiegu froga egiten lagundu duten boluntario, erakunde eta enpresei.


PETZLEK HAMABOST FRONTALAK ZOZKETATUKO DITU BERAKO GAU KROSSEAN

Ptzel markak, trail running, eskalada, alpinismo, abentura eta espeleologiarako materiala saltzen dituen babesleak, datorren abuztuaren 1eko Berako Gau Krossean hamabost frontal zozketatuko ditu.


Zozketatuko diren frontalak 350 lumeneko potentzia dute.


Ptzelek gaueko 22:00etatik aurrera eginen den proban lagunduko du gau lasterketetarako ezinbestekoa den elementu bat eskainiz: frontala.


article>

ESKERRIK ASKO MANTTALEKO UDALEKUETAN PARTE HARTU DUZUEN GUZTIOI


Lerro hauen bitartez eskerrak eman nahi dizkiegu uztailean Manttaleko udalekuetan parte hartu duten haur eta begirale guztiei.


´

Eskerrik asko gurasoei ere udalekuak antolatzen dituen taldean jarri duten konfiantzagatik eta bereziki Kate Bikeri eta Josemi Irigoyeneri udalekuetan laguntzeagatik.


Datorren udan ikusiko dugu elkar.

article>

ALDAKETAK BORTZIRIETAKO I. LASTERKETA HERRIKOIEN KOPAKO TALDEKAKO SAILKAPENEAN


Kuadrila batzuek taldeak osatzeko dauzkaten arazoak ikusita, I. Bortzirietako Lasterketa Herrikoien Kopan kuadrila berekoak ez diren lasterkariek haien artean taldea osatzeko aukera izanen dute. Era guztietako taldeak osa daitezke: kuadrila ezberdinetako korrikalariekin osatutakoak, kuadrilarik ez dutenenen artean sortutako taldeak…


´

Gogorarazi nahi dugu talde bakoitzak gutxienez hiru kide izan behar dituela, eta lasterketa bakoitzean talde bakoitzeko lehen hirurek puntuatzen dutela. Horrez gain, derrigorrezkoa da taldeek Kopako lau lasterketatik hirutan parte hartzea.


Talde bezala izena emateko epea abuztuaren 1ean amaituko da. Nahikoa da mezu elektronikoa bidaltzea manttaletaldea@gmail.com helbidera, taldeko edo kuadrilako kide guztien izen-abizenekin.

GAU KROSSEKO IBILBIDEA EGITEKO KEDADA


Datorren astelehena,uztailaren 28an, abuztuaren 1ean ospatuko den Berako Gau Kroseko ibilbidea ikuskatzeko aukera izango duzue.


´

Gaueko 21.45etan elkartuko gara Altzateko plazan eta denak parte hartzera gonbidatuta zaudete. Beharrezkoa da frontala eramatea.


IBON  ERDOZAIN  ETA  ANE  ELZAURDIAK  IRABAZI  DUTE  XIII  ALKAIAGA  TRAILA


Ibon Erdozain eta Ane Elzaurdiak irabazi zuten larunbatean Alkaiaga Trail lasterketaren hamahirugarren edizioan. Aurten formatua aldatu da Lineako lasterketara izatera, izan ere joan zen urtera arte 3 korrikalariz osatutako taldekako erlojupeko lasterketa bat baitzen.


40 parte-hartzaile inguru elkartu ziren, korrikalariei asko gustatu zaien 7,5 kilometroko zirkuitu berrian. Erdozain izan zen azkarrena ibilbidea burutzen 31 minutu eta 11 segunduko denborarekin, Gwendal Larqué beratarra (32:47) eta Dani Iparragirre aranztarra (33:32) atzetik izanda.


Ane Elzaurdia lehen emakumea izan zen eta zortzigarrena sailkapen nagusian. 35 minutu eta 40 segundotan osatu zuen zirkuitua, Ainara Mendiburu bigarren izan zen (46:59), eta Aintzane Goienetxe hirugarren (50:02).


Erdozain eta Elzaurdia I. Bortzirietako Lasterketa Herrikoien Koparen lider bihurtu dira. Kopa berri hay Alkaiaga Trailarekin hasi da, eta Berako Gau Krossa (abuztuak 1), Agerrako Krossa (Abuztuak 24) eta Lizuniagako Igoerak (Urriak 26) osatuko dute.


Elzaurdia eta Erdozain kide dituen Eztakit kuadrilla da, era berean, Kopako kuadrillen arteko sailkapeneko liderra, Bortziriak eta Ziñaurriak kuadrillen aurretik.

Kuadrillen modalitatean parte hartzeko, izena emateko aukera zabalik dago oraindik. Nahi duten Bortzirietako kuadrilla guztiek mezu bat bidali beharko dute manttaletaldea@gmail.com emailera, taldekide guztien izen-abizenekin, abuztuaren 1a baino lehen. Puntuatu ahal izateko, gutxienez kuadrillako hiru kidek hartu beharko dute parte proba bakoitzean, eta lehenengo hiruek puntuatuko dute.

16 urtetik beherakoentzako lasterketan, hiru kilometroko luzera zuena, Ekiotz Irazoki (13:03) izan zen azkarrena, Iker Zestau (13:43) eta Izei Irazoki (13:55) korrikalarien aurretik.

Lasterketa hauen aurretik, umeentzako lasterketak ere egin ziren auzo inguruan, 30 parte-hartzaile baino gehiagorekin..

I. BORTZIRIETAKO LASTERKETA HERRIKOIEN KOPA MARTXAN JARRI DU MANTTALE TALDEAK ESKUALDEAN ANTOLATZEN DIREN LASTERKETEN PARTE HARTZEA SUSTATZEKO


Alkaiaga Trail, Berako Gau Krossa, Agerrako Krossa eta Lizuniagako Igoera, urtero Bortzirietan egiten diren lasterketetako lau, I. Bortzirietako Lasterketa Herrikoien Kopan parte hartuko dute, banakako zein koadrilakotaldekako parte-hartzea sustatzeko asmoz.


Ekimena uztailaren 20an hasiko da, Alkaiaga Traila egingo den egunean eta 10 egun ondoren, Berako Gau Krossa izanen da. Abuztuan Agerrako Krossa egingo da ere, hilaren 24an, eta Koparen zirkuitua urriaren 26an bukatuko da, Lizuniagako Igoeraren egunean.


Asteazkenean Beran, lehiaketa berria aurkeztu zuten Gure Txokoako, Manttaleko, Agerra Mendi Taldeko era Alkaiagako jai batzordeko ordezkariek.


Bortzirietako Lasterketa Herrikoien Kopak banakako sailkapen orokorra izango du proba bakoitzaren amaieran eta parte hartzaile bakoitzaren puntuak gehituko dira sailkapen horretan.


Horrez gain, Bortzirietako kuadrilen parte hartzea sustatu nahi da eta horretarako, kuadrilen sailkapena egonen da ere. Izan ere, kuadrilak gizonezkoak, emakumezkoak edo mistoak izan daitezke. Parte hartzeko, kuadrilak kide bakoitzaren izen-abizenak bidali beharko ditu uztailaren 20a baino lehen helbide honetara: manttaletaldea@gmail.com.

Lasterketaren batean puntuak lortzeko, gutxienez kuadrilako hiruk parte hartu behar dute eta kontuan hartuko dira kuadrila bakoitzeko lehen hiru sailkatuak. Adi! Kuadrila bakoitzak gutxienez hiru lasterketetan parte hartu behar du.

Koparen amaieran, azken proban (Lizuniagako Igoera), sariak banatuko dira lehen sailkatuentzako (gizonak, emakumeak eta kuadrilak). Bertzalde, hiru probetan (Alkaiaga Trail, Agerrako Krossa eta Lizuniagako Igoera) 16 urtetik beherakoentzako lasterketak antolatu dituzte. Era berean, hiru probetan parte hartu duten gaztetxoentzako sariak egonen dira Koparen amaieran.

Amaitzeko, aipatzekoa da aurten Alkaiaga Trailaren formatua aldatu dela eta jada ez da errelebo lasterka izanen, baizik eta 8 kilometroko lasterketa zuzena izanen da. Aldiz, gainontzeko probak ohiko moduan lehiatuko dira: Gau Krossa, 7,8 km; Agerrako Krossa, 5,8 km; eta, Lizuniagako Igoera, 4,9 km.

L ALKAIAGA TRAIL UZTAILAREN 20AN EGINGO DA ETA AURTEN HAINBAT BERRIKUNTZA DITU


Alkaiaga Trail uztailaren 20an, larunbatean, izanen da eta, gainera, hamahirugarren edizioan hainbat aldaketa egin dira. Orain arte hiru laguneko taldeek (bi gizon eta emakume bat) parte hartzen zuten errelebo-lasterketan. Aldiz, aurten, lerro-lerroko proba egin beharko dute auzoan zehar.


Bi ibilbide egongo dira: alde batetik, 14 urtetetik beherakoentzako 3 kilometroko ibilbidea; beste aldetik, gainerako parte-hartzaileentzat, 7 kilometrokoa eta 300 metro desnibela. Horrez gain, haurrentzako lasterketak egingo dira.


17.00etan hasiko da txikienen lasterketa eta 17.30 helduena.

Izena emateko mezua bidali behar da alkaiagatrail@hotmail.com helbidera izen abizenak, jaiotze data eta NAN atxikituz.

Korrikalariak 7 euro ordaindu beharko ditu BIZUM eginez 613 759 004 zenbakira.

Hain zuzen, orgitartekoa eta istripu-asegurua prezioaren barne sartzen dira.

BERAKO GAU KROSSEAREN IZEN-EMATEA IREKIA


Abuztuaren 1ean, osteguna, antolatuko den Berako Gau Krossaren izen ematea www.pb-organisation.com webgunean irekia dago abuztuaren 31 arte irekia egonen da, 10 eurotan. Lasterketa egunean izena emanez gero 12 euroko prezioa izanen du.


Gehienez ere 200 parte-hartzaile izango dira. Gau Krossa 22.00etan hasiko da, irteera eta helmuga Merkatu Plazan izanik


Kuadrilak lau korrikalariz osatuta egon beharko dira, gutxienez emakume bat izan beharko dute eta talde bakoitzeko lehenengo hirurak puntuatuko dituzte, baina lauak helmugara iritsi beharko dira.

Lasterketa amaitzerakoan luncha izanen da. Aurreko edizioetan bezala, frontala erabili beharko da nahitaez.

MENDI IRTEERA TAILLONERA>


Agerra Mendi Taldeak eta Manttalek bi urtean behin Taillonera joateko mendi irteera antolatzen dute


Hain zuzen, uztailaren erdialdean egin izan dute, baina aurten abuztuaren 31n, larunbatean, izango da.


Laster jakinaraziko dira izena emateko lekua, prezioa eta ateratzeko eta itzultzeko ordutegia.


ESKERRIK ASKO DENEI!!!


Lerro hauen bitartez XVIII. Berako Mendi Maratoi Erdia antolatzeko jaso dugun laguntza guztia eskertu nahi dugu.


Eskerrik asko boluntario, parte hartzaile, publiko, elkarte, babesle, kolaboratzaile eta guretzako dena errezagoa izatea egiten duzuen guztiei.


2025an ikusiko dugu elkar.


GALDUTAKO OBJETUAK


Berako Mendi Maratoi Erdian galdutako hainbat gauza agertu dira. 2 zapatila pare eta pultsera bat. Jabeak Manttalerekin harremanetan jar daitezke korreo elektronikoaren bidez.


IÑAKI OLANO ETA MADDALEN JIMENEZ BERAKO XVIII. MENDI MARATOI ERDIKO TXAPELDUN GISARA ESTREINATU DIRA


Iñaki Olanok, ordubete, 44 minutu eta 53 segundoko denborarekin, eta Maddalen Jimenezek, 2 ordu, 12 minutu eta 17 segundoko erregistroarekin, Beran (Nafarroa) jokatu den hemezortzigarren Mendi Maratoi Erdia irabazi dute gaur.


Altzoko korrikalaria lehen aldiz gailendu da Damien San Martin eta Xabier Macías, bigarren eta hirugarrenaren aurretik, 21 kilometroko eta 2.700 metro baino gehiagoko desnibeleko ibilbidean.


Berako proba egiten zuen lehen aldia zen Olanorentzat; Maddalen Jimenez, berriz, lasterketa irabazi duen Berako lehen emakumea bilakatu da. Olanok, San Martinek eta Maciasek ia elkarrekin egin dute Larungo gaina, baina jaitsieran korrikalari gipuzkoarrak ihes egin du.


Irabazleak palmaresean Oier Ariznabarreta ordezkatu du, azken zortzi edizioetako irabazlea, oraingoan parte hartzerik izan ez duena.


Emakumezkoen kategorian, Jimenez (bigarrena izan zen 2023an) buruan joan da ia ibilbide guztian, eta Leitzako Itxaro Zabaleta eta Hendaiako Maud Combarieu (lehen beteranoa ere izan da) baino abantaila gehiagorekin ailegatu da helmugara.


Guztira 497 korrikalarik hartu dute parte proban, horietatik 464 helmugara iritsi direlarik. Lasterketa ikusi duen jende ugariak bero handiko goiz batean egindako probaz gozatu ahal izan du.


Irabazleak ezin izan du lortu Ariznabarretak 2014az geroztik duen errekorra: 1 ordu, 37 minutu eta 30 segundo. Ibardineko tarteko helmuga, 150 euroko saria zuena, Damien San Martinentzat izan da.


Gazte Trailean, Markel Barriok irabazi du Oihan Pikabearen eta Xabier Azconaren aurretik, 17 eta 18 urteko kategorian, irteera eta helmuga Beran zeukan 9,5 kilometroko ibilbidean.


Ibilbide bereko 14 eta 16 urte bitarteko kategorian, gizonezkoetan Iker Sánchezek eta emakumezkoetan Lide Lizeagak irabazi dute.


Taldeka Hiru Herri taldea gailendu da, Idiazabalen aurretik.


Argazkiak: Ane Molinero


SAILKAPENAK EGIN KLIK HEMEN

OPARIA GAZTE TRAIL-EAN PARTE HARTZEN DUTEN GUZTIENTZAT


Gazte Traileko parte-hartzaile guztiek zapatilak gordetzeko poltsa bat jasoko dute opari gisa, Irules, Ostargi eta Pabloenea babesleei esker.


Igande honetan, 10:00etan, egingo den Gazte Trailerako izen-emateak zabalik daude oraindik webgunean pb-organisation.com




BERAKO MENDI MARATOI ERDIRAKO IZEN EMATEAK AGORTUTA


Igande honetan, hilak 14, Berako Erdi Maratoian izena emateko epea bukatu da, 525 lagunek eman baitute izena (gehienezko kopurua da).


Larunbatean haurrentzako egingo den lasterketan eta igandean egingo den Gazte Trailean izena eman daiteke oraindik, www.manttale.com webgunean.


Gainera, larunbatean, 19:00etan, Xabi Zarranzen “212 mountains” dokumentala proiektatuko da, sarrerak hiru eurotan.


XABIER ZARRANZEK BERAN APIRILAREN 13AN '212 MOUNTAINS' DOKUMENTALA AURKEZTUKO DU


Xabier Zarranzek (Barañain, 1981) Beran apirilaren 13an (larunbata) Luis Arrietak zuzendutako ‘212 mountains’ dokumentala aurkeztuko du. Proiekzioa euskaraz izango da baina gaztelerako azpitituloekin, eta kultur etxean eginen da.


Sarrerak hiru eurotan salduko dira eta proiekzioa 19.00etan hasiko da. Hain zuzen ere, Zarranzek hainbat alditan hartu du parte Berako lasterketan, 2019an hirugarren izan baitzen, eta aurten ere irteera-lerroan egongo da.


Dokumentala Bilbao Bizkaia Film Festival famatuan aurkeztu zuten eta bertako ikus-entzuleek Zarranzek Pirinietako 3.000 metro baino altuagoko 212 mendietatik lasterka, oinez edota bizikletaz egindako ibilaldia ikusteko aukera izan zuten.


Urte horretan bertan, Nafarroako korrikalariak eliteko lehiaketa utzi zuen 20 urteren ondoren, baina, ia ustekabean, denboraldi horretan Estatu mailako bi ultra trail garrantzitsuenetakoak irabazi zituen: Trail Aneto Posets Handia, 105 kilometrokoa, eta Cafranc, 100 kilometrokoa.


Bi garaipen horiei ondorioz eta Pirinioetako gailurretan zehar egindako hausnarketaren harira, mendiko lasterketetan bere etorkizuna birplanteatu zuen. Pirinioetako gailurretan zehar egin zuen hausnarketa. Luis Arrietaren kameraren begiradapean, Zarranzek oinez eta bizikletaz lotu zituen Pirinioetako mendi ezagunenetako bi: Balaitous (3.144) eta Pica d’Estats (3.143).



50 KILO KRISTAL BILDU DIRA LARUNEN


Duela urte batzuetatik ohikoa den bezala, joan den larunbatean martxoaren 23ean Manttaleko kideak Larunera joan ginen Zizkuitzetik Larunera doan Berako Mendi Maratoi Erdiko ibilbidearen zatia kristalez eta kablez garbitzeko.


Guztira 50 kilo kristal, kable eta zabor bildu genituen arroketatik gailurrera igotzen den bidean.


Garbiketa honekin, apirilaren 14ko Berako Mendi Maratoi Erdian parte hartzen dutenek kristaletatik ebakiak jasatea saihesten dugu, parataide askok Laruneko azken malda igotzeko eskuen bitartez egiten dutelako.

APIRILAREN 7AN IBILBIDEA EZAGUTZEKO GELDITU GARA


Manttalek Berako Erdi Maratoiaren ibilbidea ezagutzeko hitzordua antolatu du apirilaren 7rako.


Hitzordua 9:00etan izango da, lasterketaren irteeran, kiroldegiaren ondoan. Ibilbidean hornidura bat izanen da eta bukaeran kiroldegiko dutxak eta aldagelak erabil daitezke.


BERAKO MENDI MARATOI ERDIAN ETA GAZTE TRAILEAN IZENA EMATEKO EPEA ASTELEHENEAN, MARTXOAREN 11N, IREKIKO DA


Urte honetatik aurrera, ez da plastikozko edalontzirik emanen horniduretan, eta lasterkati bakoitzak bere edalontzia eraman beharko du lasterketan


Apirilaren 14an, igandean, egingo den Berako Mendi Maratoi Erdirako izen-emateak datorren astelehenean, martxoaren 11n, 15:00etatik aurrera irekiko dira, www.pb-organisation.com webgunean.


525 dortsal eskuragarri jarriko dira. Dortsalak agortzen ez badira, izen-ematea apirilaren 10ean itxiko da.


Inskripzioaren prezioa 33 eurokoa izanen da korrikalari federatuentzat eta 35 eurokoa federatu gabeentzat. Izena emateko ez da beharrezkoa aldez aurretik webgunean erregistratzea.


Berako Mendi Maratoi Erdia Nafarroako Mendi Lasterketen Zirkuituan sartzen da. Zirkuituak 22 proba ditu, eta Berakoa baliagarria izango da Nafarroako rankingerako. Urtean zehar, Zirkuituko lasterketa guztiak puntuatuko ditu, eta ekainean eta abenduan sariak emango dira erregulartasuna saritzeko.


GAZTE TRAIL


Aurreko edizioetan bezala, aurten ere Gazte Traila egingo da, eta izena emateko www.pb-organisation.com web-orrian izango da 7 euroen truke.


EDALONTZIRIK EZ HORNIDURETAN


Berritasun gisa, aurten ez da plastikozko edalontzirik egongo maratoi erdiko horniduretan. Lasterketak hartzen duen inguru naturalean ahalik eta plastiko gutxien erabiltzeko, parte-hartzaile bakoitzak bere edalontzia eraman beharko du, ibilbideko hamar horniduretan ura edo edari isotonikoz betetzeko. Mendiko lasterketetan gero eta ekimen iraunkorragoa eta arduratsuagoaren alde egingo du aurten Manttalek.

130 PERTSONA BAINO GEHIAGOK PARTE HARTU ZUTEN BERAKO XVII MENDI EGUNEAN


Nepaldala dokumentalaren estreinaldiak 1.000 euro bildu zituen eta GKEra bideratuko da oso-osorik.


130 pertsona baino gehiagok parte hartu zuten larunbatean Berako Mendi Egunaren hamazazpigarren ediziorako antolatutako ekintzetan. Manttale eta Agerra Mendi Taldeak antolatutako jardunaldi eguzkitsuan, goizeko zein arratsaldeko ekintzetan parte hartzaile eta jende ugari bildu ziren. Aurten ere 2007ko urtarrilaren 13an Taillon mendian hildako Xabier Zubieta, Loro Pikabea eta Xabier Saralegi mendizaleak omendu zituzten.


Manttalek eta Agerra Mendi Taldeak Nepaldalari ostiralean kultur etxean estreinatu zen Nepaldala dokumentaleko sarreren salmentaren diru-bilketa osoa eman zioten (1.000 euro). Gobernuz Kanpoko Erakundea Nepalen neskatoen bizitza hobetzeko lanean aritzen da. Aretoa jendez bete zen dokumentala ikusteko, eta ondoren, Asier Requejo, filmaren zuzendariarekin, eta GKEko Aitziber Alazarekin eta Olatza Lasarekin hitz egiteko. Gainera, egun horretan GKEaren hirugarren kideak, Miren Berozek (Nepalen bizi da), Nepalgo ikasleekin batera grabatutako bideoa bidali zuen eta aretoan proiektatu zen.


Horretaz gain, kultur etxean salgai jarri zen merchandisingari esker, GKEak diru gehiago biltzea lortu zuen. Bestalde, Manttalek taldearen kamisetak eman zizkion GKEri Nepalera bidaltzeko.


Larunbatean, goizean, mendi martxa egin zen Beratik Muga 8raino, gero Manttale, Ibardin pasa eta Berara itzuli.


Arratsaldean, 5,5 kilometroko distantzia duen Santa Barbarako erloju kontrakoan parte hartzeko, 41 bikote eta hirukote mininuturo kiroldegitik abiatu ziren. Aurretik, zirkuitu beretik mendi irteera abiatu zen, 30 pertsona baino gehiagorekin. Aldi berean, txikienentzako lasterketa ere egin zen.


Erloju kontrakoaren amaieran, ibilaldian eta erloju kontrakoan parte hartu zuten guztiek meriendaz eta opari zozketaz gozatu ahal izan zuten kiroldegiko zabalgunean.


Jardunaldiari amaiera emateko, Mundua arnastu nahian ikus-entzunezkoa aurkeztu zuen Aitor Igiñitzek. 16 urtez munduari bira eman zion bizikletaz, 124.000 kilometro egin arte. Unai Ugartemendia kazetariak gidatu zuen Igiñitzen hitzaldia, munduan zehar egindako bidaia azalduz.


HILAK 13AN BERAN XVII MENDI EGUNA OSPATUKO DA


ORTZIRALEAN, HILAK 12, LEHEN ALDIZ “NEPALDALA” DOKUMENTALA AURKEZTUKO DUTE ETA LARUNBATEAN, HILAK 13, “MUNDUA ARNASTU NAHIAN” IKUS-ENTZUNEZKOA IKUSTEKO AUKERA IZANEN DA.


Datorren larunbatean, urtarrilak 13, Mendi Egunaren hamazazpigarren edizioa egingo da Beran, Loro Pikabea, Xabier Zubieta eta Xabier Saralegiren omenez, 2007ko urtarrilaren 13an hil baitziren Taillon mendian. Agerra Mendi Taldeak eta Manttale Mendi Lasterketa Taldeak antolatutako egitarauaren lehen hitzordua datorren ostiralean, hilak 12, izango da. “Nepaldala” dokumentala aurkeztuko dute Berako Kultur Etxean. Sarrerak 5 euro balioko du eta diru-bilketan lortutako guztia Nepaldala GKEari emango zaio.


Larunbatean, hilak 13, 9.30ean ekintzak hasiko dira, eta Berako kiroldegitik abiatuta, mendi irteera egingo da, gehienez ere hiru ordukoa.


14.15ean Ricardo Baroja Eskolako arkupeetan Santa Barbarako mendi irteeran eta mendi bereko kronoeskaladan parte hartzeko izen-ematea egingo da. Kronoeskalada eta txangoa kiroldegiko zelaigunetik aterako dira, eta mendiaren gailurretik igaro ondoren, abiapuntura itzuliko dira. Guztira 5,5 kilometro inguruko ibilbidea izango da. Txangoa 15.00etan hasiko da eta kronoeskalada 15.30ean.


Kronoeskalada edonorentzako irekia dago, baina 16 urtetik beherakoek heldu batekin egon behar dute. Erloju kontrarako eta txangorako izen-emateak aldez aurretik irekiak egongo dira Manttaleren posta elektronikora idatzita (manttaletaldea@gmail.com) edo Pikabea Harategian edo Purienean abisatuta.


15.15ean haurrentzako lasterketa ere egongo da.


Mendi ibilaldia eta kronoeskalada amaitu ostean, luncha eta sari-zozketa egingo dira parte hartu duten guztien artean.


Ondoren, 19:00etan, Kultur Etxean Aitor Igiñitzek “Mundua arnastu nahian” ikus-entzunezkoa proiektatuko du. Azken urteotan bizikletan mundua zeharkatu du.


‘NEPALALDA’ DOKUMENTALA BERAN ESTREINATUKO DA URTARRILAREN 12AN


Proiekzioa kultur etxean izango da eta diru-bilketa Nepalalda GKEari emango zaio.


‘Nepalalda’ dokumentalak hezkuntza-programa bati esker etorkizun hobea lortu nahi duten Nepaleko haurren eta nerabeen testigantzak biltzen ditu. Berako Kultur Etxean estreinatuko da urtarrilaren 12an, ostiralean, 19:30tan. Hau da, Manttalek eta Agerra Mendi Taldeak larunbatean antolatu duten Mendi Egunaren bezperan.


Nepalalda GKEak Nepalen egiten duen lana erakutsiko digu Asier Requejok zuzendutako filmak. Hain zuzen ere, Miren Beroz, Aitziber Alza eta Olatz Lasa bidasoarrek osatzen dute GKE hori. 2018az geroztik, hiru emakume horiek lan egiten dute egoera ahulean dauden Asiako neskei hezkuntza eskaintzeko. Haurrak eta nerabeak dira, guztiak Bajhangekoak, Nepaleko eremu urrunekoak. Heziketan sartzeko zailtasunak izatez gain, haurren lanaren, ezkointza goiztiarraren edo giza trafikoaren mende daude.


Eskola uztea Nepalgo ikasleei eragiten dien arazoa da. Horregatik, Nepalalda GKEk abian jarri zuen Ikasi proiektua, haur horietako batzuek hezkuntzarako sarbidea izan zezaten.


GKEa 2020ko Mendi Egunean ezagutu genuen, Edurne Pasabanek aurkeztutako “Chaupaddi” dokumentalari esker. Dokumental horretan, Nepaleko emakumeek hilerokoaren ondorioz jasaten duten diskriminazioa kontatzen zen.


Orain, GKEak beste urrats bat egin du, eta Nepalen egiten duen lanari buruzko dokumentala aurkeztuko du. GKEko hainbat kide eta dokumentalaren egilea, Asier Requejo, Beran egongo dira. Sarreren bitartez jasotzen den dirua (5 euro) Nepalalda GKEari emango zaio. Nepalaldak Nepalen egindako hainbat eskulan ere jarriko ditu salgai Kultur Etxean.


LARUNBATEAN, HILAK 13, “MUNDUA ARNASTU NAHIAN” IKUS-ENTZUNEZKOA


Larunbatean, hilak 13, Santa Barbara bikoteka igo eta jaitsi ondoren, edo mendi-ibilaldian egon ondoren, Kultur Etxean “Mundua arnastu nahian” ikus-entzunezkoa eskainiko dugu, Aitor Iginitzek aurkeztua.


Unai Ugartemendia kazetariaren eskutik aurkeztuko du Gipuzkoako abenturazaleak duela 16 urte bizikletaz egiten ari den itzulia. Igiñitz Berara etorri zen 2015ean, Laura Martinezekin mundU-itzuliaren lehen zortzi urteetako dokumentala proiektatu zuenean.


2024KO LASTERKETEN DATAK PREST DITUGU


Baditugu 2024an antolatuko ditugun lasterketen datak. Ohi bezala, Mendi Egunarekin estreinatuko dugu urtea urtarrilaren 13an, larunbatean.


Berako Mendi Maratoi Erdia apirilaren 14an izango da, igandea.


Bestalde, Alkaiaga Traila uztailaren 27an izango da, larunbata, eta Gau Krossa abuztuaren 1ean, asteartea.


MENDI EGUNA. URTARRILAK 13 LARUNBATA


BERAKO MENDI MARATOI ERDIA. APIRILAK 14 IGANDEA


ALKAIAGA TRAIL UZTAILAK 27 LARUNBATA


GAU KROSSA. ABUZTUAK 1 ASTEARTEA


TRISTAN JANMART ETA ANE ITURRIAK IRABAZI DUTE BERAKO BEDERATZIGARREN GAU KROSSA


Tristan Janmartek eta Ane Iturriak irabazi zuten atzo, Berako Gau Krossaren bederatzigarren edizioan. Janmart, Ziburukoa 32 minutu eta 32 segundu behar izan zuen lasterketaren ibilbide berria osatzeko; Bera inguruko bide eta mendietatik 7,6 kilometroko bidea.


Ibon Erdozain beratarra (33:44) eta Xabier Sánchez Elorza (33:49) osatu zuten podiuma bigarren eta hirugarren postuetan, hurrenez hurren. .


Emakumeen kategorian Ane Iturria nagusitu zen 39 minutu eta 26 segundoko denborarekin. Itxaro Zabaleta (40:43) eta Ane Elzaurdia (40:57) bigarren eta hirugarren izan ziren.


Guztira 156 korrikalarik hartu zuten parte aurten, egin diren bederatzi edizioetatik parte-hartze handiena izan da.


Giro animatua egon zen frogan zehar, oso tenperatura atsegina zuen gau batean, eta jende eta musika ugari izan zen ibilbideko hainbat lekutan.


Froga amaitzean, eta sariak eta opariak banatu ondoren, luntxa egon zen.


Lerro hauen bidez eskerrak eman nahi dizkiegu froga egiten lagundu duten boluntario, erakunde eta enpresei.


MANTTALEREN UDALEKUETARAKO IZEN EMATEAK ZABALIK


Manttalek udalekuetarako izen-emateak martxan jarri ditu. Izena ematea Manttaleren webgunean (www.manttale.com) zabalik dago ekainaren20era arte.


Udalekuak 2011 eta 2017 bitartean jaiotako haurrentzat izango dira (bi urteak barne), eta Beran eginen dira uztailaren 3tik 28ra, 9:30etik 13:00etara.


Udalekuen prezioa 110 eurokoa izango da haur bakoitzeko


Informazio gehiago nahi izanez gero, idatzi manttaletaldeaudalekuak@gmail.com helbidera.

ESKERRIK ASKO DENEI!


Lerro hauen bitartez XVII. Berako Mendi Maratoi Erdia antolatzeko jaso dugun laguntza guztia eskertu nahi dugu. Eskerrik asko boluntario, parte hartzaile, publiko, elkarte, babesle, kolaboratzaile eta guretzako dena errezagoa izatea egiten duzuen guztiei. 2024an ikusiko dugu elkar.

OIER ARIZNABARRETAK ETA AINARA URRUTIAK BERAKO XVII MENDI MARATOI ERDIA IRABAZI DUTE


Oier Ariznabarretak, ordu bat, 41 minutu eta 39 segunduko denborarekin, eta Ainara Urrutiak, 2 ordu, 4 minutu eta 36 segunduko denborarekin, Beran (Nafarroa) ospatu den mendi maratoi erdiaren hamazazpigarren edizioko irabazleak izan dira. Durangoko korrikalaria zortzigaren aldiz jarraian atera da irabazle gizonezkoen kategorian, Beñat Katarain eta Imanol Kañamaresen aurretik, bigarren eta hirugarren hurrenez hurren, 21 kilometro eta 2.700 metroko desnibel metatua duen ibilbidean.


Guztira 491 korrikalarik parte hartu dute proban, haietatik 458 iritsi direlarik helmugara. Publiko handi batek jarraitu du tenperatura fresko batekin egin den lasterketa, goizaren hasieran lainotuta egon dena, eguzkitsu ondotik.


Ariznabarreta lehenengo metrotik gailendu da lasterketan, eta Larundik, ibilbideko punturik altuenetik pasatzean, 14. kilometroan, 4 minutu ateratzen zizkion bigarren Katarain bigarren sailkatuari.


Irabazleak ezin izan du berak 2014ean ezarritako ordu bete, 37 minutu eta 30 segunduko errekorra gainditu. Ibardingo tarteko helmuga ere, 150 eurorekin saritutakoa, Ariznabarretak berak eskuratu du.


Emakumezkoen kategorian Urrutia bere palmaresa betez estreinatu da, garaipen zabal batekin. Hamaika minutu atera dizkio bigarren sailkatuari, Maddalen Jiménez beratarri. Bertze korrikalari beratar batek, Ane Eltzaurdiak, podioa osatu du.


Ainara Urrutia eta Beñat Katarain dira Euskal Kopako liderrak, gaur Beran ospatutako lasterketa hirugarren proba puntuagarria izan baita Kolazino eta Kilimonekoen ondotik.


Gazte Trailean, korrikalari jubenilentzako, Manex Etxeberri Pacheco korrikalari saratarrak irabazi du, Unax Hernando eta Eder Tapiaren aurretik, Beran hasi eta bukatzen zen 10 kilometroko ibilbidean. Emakumezkoen kategorian, bitartean, Manttale taldeko Oihana Arrutik irabazi du Madi Lizarragaren aurretik.


Txiki Trailean, 5 kilometroko distantzian, infantil kategoriako Victor Fernandez eta Saioa Cenoz izan dira irabazleak, eta kadetetan, Julen Badiola eta Lide Etxarri.


Taldekako sailkapenean Hiru Herri taldea gailendu da, Kbrnzos (Kabronazos)-en aurretik.


Argazkiak: Lorea Arroabarrena


SAILKAPENAK EGIN KLIK HEMEN

25 KILO KRISTAL BILDU DIRA LARUNEN


Berako Mendi Maratoi Erdia baino aste batzuk lehenago Larunera joaten gara, Zizkuitzetik Larunera doan lasterketaren ibilbidea kristalez eta kablez garbitzeko. Joan den larunbat arratsaldean talde bat joan ginen eta 25 kilo kristal, kable eta zabor bildu genituen harkaitzetan gora igotzen den bidean.


Garbiketa horrekin, maratoi erdian parte hartzen dutenek kristalekin ebakiak egitea saihesten dugu; izan ere, malda handiko eremua denez, askok eskuak lurrean jartzen dituzte aldapa hobeto igotzeko.


Eta askok galdetzen diguzuenez, uste dugu kristalak eta kable zatiak aspalditik lurrean sartuta daudela.

ARITZ GANBOAK "BIDEAK" DOKUMENTALA AURKEZTUKO DU BERAN APIRILAREN 15EAN


Artzain nafarrak hitzaldi-solasaldia ere eskainiko du kultur etxean


Aritz Ganboa artzainak Bideak dokumentala aurkeztuko du apirilaren 15ean Beran eta hitzaldi-solasaldia ere eskainiko du. Ganboa, ETB 1eko Biba Zuek! programaren ohiko kolaboratzailea, Xabier Unanuek zuzendutako dokumentalaren protagonista da. Sakanako Arruazu herritik abiatzen da, bere aitaren jaioterria, Izabara ailegatzeko asmoz, Erronkari bailara, bere amaren jaioterria.


Gazta bat motxilan, Ganboak 170 kilometro eta 9.000 metroko desnibeleko zeharkaldia egiten du, landa-munduaren eta hiri-munduaren arteko zubiak eraikiz, eta Idiazabal gaztaren izendapena Erronkariko gazta izendapenarekin lotzen du ere.


90 minutuko dokumentala Berako kultur etxean proiektatuko da apirilaren 15an, larunbatean, 19:00etatik aurrera. Ekitaldia apirilaren 16an ospatuko den Berako Mendi Maratoi Erdiaren ekimenetako bat da. Sarrerak 5 euroren truke eros daitezke Berako Pikabea harategian edo Whatsapp 647296104 zenbakiaren bitartez erreserbatuz. Izan ere, proiekzioaren egunean Kultur etxean salduko dira ere.

BERAKO MENDI MARATOI ERDI ETA GAZTE TRAILERAKO IZEN-EMATEA MARTXOAREN 6AN IREKIKO DA


Maratoi erdia Euskal Herriko Kopa eta Nafarroako Mendi Lasterketen Zirkuituko rankingerako puntuagarria izango da


Apirilaren 16an, igandea, egingo den Berako Mendi Maratoi Erdian izena emateko epea martxoaren 6an, astelehena, 15:00etatik aurrera irekiko da, www.pb-organisation.com webgunean.


525 dortsal egongo dira eskuragarri. Dortsalak agortzen ez badira, izen-ematea apirilaren 13an itxiko da.


Prezioa iazko berdina izanen da: 28 euro korrikalari federatuentzat eta 32 federatu gabeentzat. Izena emateko ez da beharrezkoa aldez aurretik pb-organisation.com webgunean erregistratuta egotea.


Aurten, Berako Mendi Maratoi Erdiak Euskal Herriko Lineako Koparako kontatuko du. Txapelketa hau Euskal Mendizale Federazioak eta Nafarroako Mendi eta Eskalada Kirolen Federazioak antolatu dute, herrialde guztietako kirolariek parte har dezaten eta Euskal Herriko hainbat lurraldetan zehar ibil daitezen.


Lehiaketak, kategoria absolutuan eta beteranoen azpikategorian, zortzi froga izanen ditu. Euskal Herriko Kopa Kolazino Mendi Egunean hasiko da, Bizkaian, martxoaren 18an, eta Berako proba hirugarren puntuagarria izango da. Irailaren 23an amaituko da txapelketa, Azkaineko Skyrhune lasterketarekin.

Berako Mendi Maratoi Erdia Nafarroako Mendi Lasterketen Zirkuituan ere sartzen da. Honek 23 froga ditu eta Berako proba baliagarria izango da Nafarroako rankingerako. Lasterketa guztiek puntuatuko dute, eta ekainean eta abenduan sariak banatuko dira, erregulartasuna saritzeko.


GAZTE TRAIL


Aurreko edizioetan bezala, aurten ere Gazte Traila egingo da, eta berritasun moduan, Nafarroako Kirol Jokoen barruan egongo da.


Gazte Traila hiru kategoriatan banatuko da: haurrak (13-14 urte, 2009-2010ean jaiotakoak); kadeteak (15-16 urte, 2007-2008an jaioak) eta gazteak (17-18 urte, 2005-2006an jaiotakoak).


Izen emateak Nafarroako Mendizale Federazioan egin daitezke klub edo ikastetxe baten bidez, edo www.pb-organisation.com webgunean. Gazte kategoriako lasterkariek 7 euro ordainduko dituzte eta umeek eta kadeteek, bi euro.



44 BIKOTE ETA HIRUKOTEK PARTE HARTU ZUTEN BERAKO SANTA BARBARAKO KRONOESKALADAN


Guztira 44 bikote eta hirukotek hartu zuten parte larunbatean Berako XVI. Mendi Egunean. Aurten, ohiko programa berreskuratu ahal izan zen eskalada-tailerra, kronoeskalada eta Santa Barbarako mendi-irteerarekin, eta gainera dokumental baten emanaldia ere egon zen.


Santa Barbarako kronoeskaladan 44 bikote eta hirukote bildu ziren 5,5 kilometro inguruko ibilbidea egiteko tenperatura atsegina egin zuen arratsalde batean. Aurten mendi-irteera berreskuratu ahal izan da, eta 30 bat parte-hartzaile izan zituen.


Bikote eta hirukoteak minutuko tartearekin irteten joan ziren Toki Onako patiotik. Ohikoa den bezala, izena ematea doakoa izan zen, eta parte-hartzaile bakoitzak edalontzi berrerabilgarri bat jaso zuen, Santa Barbara gailurreko hornidura punturako eta helmugarako. Helburua erabilera bakarreko plastikozko edalontziak alde batera uztea denez, froga bat egin nahi izan da Beran apirilaren 16an egingo den Maratoi Erdiari begira, ingurumena zaintzeko behin erabiltzeko plastikozko edalontzien erabilera ekiditeko.


Ibilaldia eta erlojuaren kontrakoa amaitutakoan, parte-hartzaile guztiek berendua eta oparien zozketa izan zituzten Ricardo Baroja eskolako jantokian.


Aurretik, goizean, eskalada tailer bat egon zen Artxila Eskaladan.


Erlojuaren kontrakoaren ondoren, Óscar Cadiachen “Kumbakharna-tik haratago” dokumentala proiektatu zen kultur etxean. 70 urteko Kataluniako alpinistak 14 zortzimilakoak oxigenorik gabe igo ditu, eta dokumentalaren aurretik bere ibilbidearen gainbegirada egin zuen. Filmean Mingma Sherpa-ren historia kontatzen du, zortzimilako guztiak igo dituen lehen sherpa Nepaldarra bait da.

Proiekzioari esker, 1999ko uztailean Gasherbrum II espedizioan parte hartu zuten hainbat mendizale elkartu ziren: Ana Larretxea, Xabino Korta, Julen Reketa, Patxi Pikabea eta Cadiach bera. Ekitaldiaren amaieran, Manttale eta Agerra Mendi Taldearen eskutik opari bat jaso zuen, eta Tarragonako mendizalearen jarraitzaile beterano batek txapela bat eman zion


Lerro hauen bitartez eskerrak eman nahi dizkiegu Mendi Eguna ospatzeko aukera eman duten boluntario, parte-hartzaile eta ikusle guztiei, eta 2024ko edizioan espero zaituztegu.


EDALONTZI BERRERABILGARRIEN FROGA PILOTUA MENDI EGUNEAN


Datorren larunbatean, Mendi Eguna dela eta, Santa Barbarako gailurrean jartzen den hornidura likidoko puntuan, plastikozko edalontziak ahalik eta gutxien erabiltzeko froga bat egingo dugu.


Korrikalari bakoitzak plastikozko edalontzi berrerabilgarri bat jasoko du dortsalarekin batera, erlojuaren kontrako lasterketan eraman beharko duena. Proba pilotu bat egitea da helburua, apirilaren 16an egingo den Berako Mendi Maratoi Erdira begira, erabilera bakarreko ohiko plastikozko edalontzien erabilera ahalik eta gehien murriztu nahi baitugu.


Neurri honen helburua Manttalek antolatzen dituen lasterketak ingurumenaren arloan jasangarriagoak izatea da, hauek egiten diren ingurune naturala zaintzeko.


Lerro hauen bitartez bikotekako erlojuaren kontrako lasterketan eta Santa Barbararako mendi ibilaldian parte hartzera gonbidatu nahi zaituztegu. Erlojupekorako izen-ematea Manttaleren webgunean irekita dago, eta ibilaldirako egun berean egin ahal izango da. Halaber, Oscar Cadiach alpinistak eskainiko duen dokumentala ere egongo da. Sarrerak aldez aurretik eros daitezke Pikabea harategian, 5 euroren truke.

XVI. MENDI EGUNA URTARRILAREN 14AN OSPATUKO DA BERAN

KATALUNIAKO OSCAR CADIACH MENDIZALEAREN “MÁS ALLÁ DEL KUMBAKHARNA” DOKUMENTALA PROIEKTATUKO DA


Datorren larunbatean, urtarrilaren 14an, Mendi Egunaren hamaseigarren edizioa egingo da Beran, Loro Pikabea, Xabier Zubieta eta Xabier Saralegiren omenez, 2007ko urtarrilaren 13an hil baitziren Taillon mendian. Agerra Mendi Taldeak eta Manttale Mendi Lasterketa Taldeak prestatutako programa 9:45tan hasiko da eskalada-tailer batekin. Artxila Eskalada Taldearen lokalean egingo da haur eta nerabeei zuzenduta egongo da.


14:15etan, Ricardo Baroja Eskolako arkupeetan Santa Barbarako mendi irteeran eta kronoeskaladan parte hartzeko izen-emateak irekiko dira. Kronoeskalada eta txangoa kiroldegiko zelaigunetik aterako dira eta, mendiaren gailurretik igaro ondoren, abiapuntura itzuliko dira 5,5 kilometro inguruko ibilbidea osatu arte. Txangoa 15:00tan hasiko da eta kronoeskalada 15:30tan.


Kronoeskalada edozein parte-hartzaileri irekia dago, baina 16 urtetik beherakoek heldu batekin egin beharko dute. Erlojupekorako izen-ematea Manttaleren webgunean (www.manttale.com) egin ahal izango da aurreko egunetan, eta martxarako egunean bertan.


15:15tan, Manttaleko atletismo-eskolako haurren ibilaldia ere egingo da


Mendi-ibilaldia eta bikotekako kronoeskalada bukatutakoan, luncha egongo da Ricardo Baroja Eskolako jantokian. Berendua bukatutakoan zozketa eginen da erlojupeko eta ibilaldian izena eman duten guztien artean.


Ondoren, 19:30tan, kultur etxean Oscar Cadiach alpinista katalanaren “Más allá del Kumbakharna” dokumentala proiektatuko da. Sarrerak 5 euro balioko ditu eta aldez aurretik eros daiteke Agerrako Pikabea harategian.


Filmak Mingma Sherparen istorioa kontatzen du, sherpa etnia eta Nepalgo Burun haranekoa, Nepaleko zonalde pobreenetako batekoa. 14 zortzimilakoak igo zituen bere herrialdeko lehenengo mendizalea izan zen, azkena Kanchenjunga izanik Oscar Cadiach 14 zortzimilakoak igotzea lortu duten munduko 40 mendizaleetako bat da. 1984an hasi zuen erronka Nanga Parbat-en, eta 2017an amaitu, Broad Peak-en, denetan oxigeno artifizialik gabe. Erronkaren amaieran adinez zaharrena izan zen (64 urte). 1999ko uztailean Gashebrum II.a igo zuen Loro Pikabea, Xabier Zubieta eta Sabino Kortarekin batera


Mingma Sherpa alpinista ez da oso ezaguna alpinismoaren zirkuitutik kanpo. Ez du inolako babesik eta berak ordaintzen ditu igoerak. Kangchenjungara zihoala, Óscar Cadiachek lagundu zion, bere helburuaren atarian geratu baitzen arazo tekniko batengatik, hala ere azkenean gailurrera heltzea lortu zuen. Cadiachek “Más allá del Kumbhakarna” filma sherpa herriaren eta Mingmaren ibilbidearen omenaldi gisa egin zuen.


2023KO LASTERKETEN DATAK PREST DITUGU

Baditugu 2023an antolatuko ditugun lasterketen datak. Ohi bezala, Mendi Egunarekin estreinatuko dugu urtea urtarrilaren 14an, larunbatean. Egun horretan eskalada tailer bat, Santa Barbarako bikotekako erlojupekoa eta txangoa antolatuko dira.


Berako Mendi Maratoi Erdia apirilaren 16an izango da, igandea.


Bestalde, Alkaiaga Traila uztailaren 22an izango da, larunbata, eta Gau Krossa abuztuaren 1ean, asteartea.


MENDI EGUNA. URTARRILAK 14 LARUNBATA


BERAKO MENDI MARATOI ERDIA. APIRILAK 16 IGANDEA


ALKAIAGA TRAI.L UZTAILAK 22 LARUNBATA


GAU KROSSA. ABUZTUAK 1 ASTEARTEA


JOSEBA LARRALDE ETA NAIARA IRIGOIENEK IRABAZI DUTE BERAKO ZORTZIGARREN GAU KROSSA

Naiara Irigoienek eta Joseba Larraldek irabazi zuten atzo, astelehena, Berako Gau Krossaren zortzigarren edizioan. Berako korrikalariak ordu erdi baino gutxiago (29:01) behar izan zuen lasterketaren ibilbide berria osatzeko; Bera inguruko bide eta mendietatik 7,6 kilometroko bidea. Guillaume Levoyk (29:27) eta Ibon Erdozain beratarrak (30:04) osatu zuten podiuma bigarren eta hirugarren postuetan, hurrenez hurren. .


Emakumeen kategorian Iruñeako Naiara Irigoien, apirilean Berako Mendi Maratoi Erdian bigarren izandakoa, lehenengo aldiz nagusitu zen 33 minutu eta 12 segundoko denborarekin. Ane Elzaurdia (35:33) eta Ainhoa Etxegarai (36:55) beratarrak bigarren eta hirugarren izan ziren.


Guztira 143 korrikalarik hartu zuten parte aurten, egin diren zortzi edizioetatik bigarren parte-hartze handiena izanda, 2019an 154 korrikalari bildu zituen edizioaren atzetik.


Giro animatua egon zen frogan zehar, oso tenperatura atsegina zuen gau batean, eta jende eta musika ugari izan zen ibilbideko hainbat lekutan.


Hain zuzen ere, Gau Krossak ibilbide berri bat estreinatu behar izan zuen, Trafiko Zuzendaritza Nagusiak (DGT) aurreko zazpi edizioetako ibilbidea ez zuelako baimendu. Lasterketa originalak Altzate kalea, Eztegara pasealekua eta Bidasoa kalea zeharkatzen zituen, baina hiru errepide horiek zirkulaziorako mugatuta zeuden joan zen astelehenean Irteera Operazioa zela eta.


Eragozpenak gaindituz, hiru kale horietatik igarotzen ez zen ibilbide berri batean egin zen proba, eta oso harrera ona izan zuen parte-hartzaileen artean.


Berako kuadrillen sailkapenean Anttonkaxkuk taldea izan zen lehen sailkatua, Zinaurriak taldearen aurretik.


Froga amaitzean, eta sariak eta opariak banatu ondoren, luntxa egon zen.


Lerro hauen bidez eskerrak eman nahi dizkiegu froga egiten lagundu duten boluntario, erakunde eta enpresei.


SAILKAPENAK


1. JOSEBA LARRALDE 29:01 2. GUILLAUME LEVOY 29:27 3. IBON ERDOZAIN 30:04


1. NAIARA IRIGOIEN 33:12 2. ANE ELZAURDIA 35:33 3. AINHOA ETXEGARAI 36:55


1. ANTTONKAXKUK 1:41:05 2. ZINAURRIAK 1:41.31

ADI, OHAR GARRANTZITSUA!

GAU KROSSAREN IBILBIDEA ALDATU BEHAR IZAN DUGU DGT-K EZ DUELAKO LASTERKETAREN BIDEA BAIMENDU


Datorren astelehenean abuztuak 1 (22:00etan) egingo den Gau Krossaren ibilbidea aldatu behar izan dugu, Trafiko Zuzendaritza Nagusiak (DGT) Nafarroan duen ordezkaritzak duela hilabete batzuk Manttale Mendi Lasterketa Taldeak eskatutako baimena ukatu ondoren.


Zehazki, DGTk dio zirkulazioa mugatuta dagoela lasterketa egingo den egunean “irteera-operazioa” dela eta, uztailaren 31ko (igandea) 08:00etatik abuztuaren 1eko (astelehena) 00:00ak arte.


DGTk azaldu du lasterketa egun horietan trafiko-murrizketak dituzten errepideetan egiten dela, hala nola NA-8304 (Bidasoa kalea) eta NA-1310 (Altzate kalea eta Eztegara pasealekua) errepideetan, eta, beraz, ez du proba egiteko baimenik eman.


Manttaletik DGTrekin gestioak egin ditugu baimena lortzeko, baina ezin zorrotzagoak izan dira.


DGTk aukera hauek eskaini dizkigu:


1. Lasterketaren ordua aldatzea. Lasterketa 00:00etan egiten bada, aurreikusitako ordua baino bi ordu geroago, irteera-operazioko murrizketen ordutegitik kanpo egingo da. Aukera hori, jakina, baztertu egin dugu.


2. Lasterketaren ibilbidea aldatzea, Altzate kalea, Eztegara pasealekua eta Bidasoa kalea zeharkatu gabe.


Egoera honen aurrean, ibilbidea aldatzea erabaki dugu, eta hurrengo orduetan iragarriko dugu. Ibilbide berriak aurreko hamar urteetan (7 kilometro eta 300 metroko desnibela) egin dugun ibilbidearen distantzia eta desnibel ahalik eta berdinena izango du.


Ibilbide berria ezagutu nahi dutenek bihar egin dezakete, 22:00etan, Altzate plazan, antolatu dugun elkarretaratzean.

PETZLEK BOST FRONTALAK ZOZKETATUKO DITU BERAKO GAU KROSSEAN

Ptzel markak, trail running, eskalada, alpinismo, abentura eta espeleologiarako materiala saltzen dituen babesleak, datorren abuztuaren 1eko Berako Gau Krossean bost frontal zozketatuko ditu.


Zozketatuko diren frontalak Iko Core dira, eta 500 lumeneko potentzia dute, 79 gramoko pisuarekin bakarrik. Kopetako linterna kargagarri bat da, aukera anitzekoa, lepoan ere eraman daitekeena edo lanpara bihur daitekeena bere garraio-zorroari esker.


Ptzelek gaueko 22:00etatik aurrera eginen den proban lagunduko du gau lasterketetarako ezinbestekoa den elementu bat eskainiz: frontala.


GAU KROSSEKO IBILBIDEA EGITEKO ELKARRETARATZEA

Hurrengo ostiralean, uztailak 29, elkarretaraze bat antolatu dugu abuztuak 1ean ospatuko den Gau Krosseko ibilbidea ezagutarazteko. Gaueko 21.45etan Altzateko plazan elkartuko gara eta denak parte hartzera gonbidatuta zaudete. Frontala eramatea ezinbestekoa da.


13 TALDEK HARTU ZUTEN PARTE XI. ALKAIAGA TRAILEAN

Pandemiaren ondorioz bi urtez antolatu ez zen arren, joan zen larunbatean, hilak 23, Alkaiaga Trail errelebo-lasterketaren hamaikagarren edizioa ospatu zen. 13 taldek hartu zuten parte eta denetan gutxienez emakume bat zegoen. Nahia Pikabea, Oihan Pikabea eta Beñat Albisu izan ziren azkarrenak hiru ibilbideak osatzen 52 minutu eta 23 segundoko denborarekin, Inés Arrestunandia, Lur Ocón eta Borja García (52:48) hirukotea baino 25 segundu azkarrago. Podiuma Jone Olaetxea, Iker González eta Adur Yancik osatu zuten 53:50eko deboran.


Lasterketa, Alkaiagako Jai Batzordeak eta Manttalek antolatua, auzo inguruan hiru ibilbide ezberdin egitea izan zen. Hirukoteen artean, parte-hartzaile gazte asko egon ziren korrikalari beteranogoekin elkartu zirenak taldeak osatzeko.


Helduen lasterketaren aurretik, haurrentzako zenbait lasterketa egin ziren, eta parte-hartzea ona izan zen.


Sariak banatu ondoren 90 pertsona baino gehiago bildu zituen afari bat egin zen parte-hartzaile, laguntzaile eta auzoko bizilagunentzat,


SAILKAPENAK


1. Nahia Pikabea-Oihan Pikabea-Beñat Albisu 52:23


2. Inés Arrestunandia-Lur Ocón-Borja García 52:48


3. Jone Olaetxea-Iker González-Adur Yanci 53:50


4. Olatz Irazoki-Juan Luis Irazoki-Jokin Irazoki 53:51


5. Ane Arbelaitz-Iurgi Los Arcos-Beñat Los Arcos 55.19


6. Josune Agirre-Julen Ibarra-Eneko Herrera 59.23


7. Laura Tapia-Ortzadar Irazoki-Joseba Lasarte 1:02:54


8. Ekiotz Irazoki-Mikel Lazkanotegi-Andoni Garbisu 1:03:48


9. June Viñao-Mattin Pérez-Lozate Goñi 1:04:29


10. Nerea Pérez-Oihan Urroz-Josu Etxepeteleku 1:04:34


11. Tere Alemán-Peio Ezpeleta-Adrián Gajate 1:07:05


12. María Alzuguren-Aitor Etxegarai-Beñat Iparragirre 1:07:38


13. Kontxi Iturri-Oier Taberna- José Luis Tapia 1:12:29


BERAKO GAU KROSSEAN IZEN-EMATEAREN IREKIER

Abuztuaren 1ean, astelehena, antolatuko den Berako Gau Krossak uztailaren 18ean, 15.00etan, irekiko ditu izen-emateak. www.manttale.com webgunean egin daitezke, 10 euroko prezioa izango dute eta abuztuaren 31 arte irekia egonen da.


Lasterketa egunean izena emanez gero 12 euroko prezioa izanen du. Gehienez ere 200 parte-hartzaile izango dira.


Gau Krossa 22.00etan hasiko da, irteera eta helmuga Merkatu Plazan izanik.


Kuadrilak lau korrikalariz osatuta egon beharko dira, gutxienez emakume bat izan beharko dute eta talde bakoitzeko lehenengo hirurak puntuatuko dituzte, baina lauak helmugara iritsi beharko dira.


Aurten lunch-a izanen da lasterketa amaitzerakoan.


Aurreko edizioetan bezala, frontala erabili beharko da nahitaez.


XI. ALKAIAGA TRAILA UZTAILAREN 23AN OSPATUKO DA

Pandemiak bi urteko geldialdia eragin ondoren, Alkaiaga Trailaren hamaikagarren edizioa uztailaren 23an izango da berriro, 17:30etatik aurrera, Alkaiagako besta batzordeak eta Manttale Mendi Lasterketa Taldeak antolatuta. Lasterketaren ibilbidea auzoaren inguruan izango da, hiru korrikalariko taldeetan parte hartuko da eta talde bakoitzean gutxienez emakume bat egon beharko da.


Hiru pertsonako taldeek, erreleboka auzo ingurutik egin beharko dute ibilbidea Baldrun-Sorotik. Korrikalari batek lehenengo itzuli motza egingo du, 2 kilometrotakoa eta 75 metroko desnibelarekin, bigarrengoak luzexeago bat 3 kilometrotakoa eta 105 metrotako desnibela daukana eta azkenak, luzeena, 4 kilometro eta 155 metroko desnibela daukan ibilbidea. Irteera eta helmuga Alkaiagako zonalde altuan egonen da eta errelebista bakoitzak arto mazorka bat eramango du lekuko gisa.


Antolatzaileek taldeak aldez aurretik eginak izatea gomendatzen dute, eta partaideen izen abizenak emailez bidaltzea alkaiagatrail@hotmail.com helbidera. Talderik izan ezean, antolatzaileek, egunean bertan izena ematen duten parte hartzaileekin taldeak antolatuko dituzte, beti ere kontuan izanda 3ko talde bakoitzean emakumezko bat egon beharko dela.


Helduentzako lasterketa baino lehen, haurrentzako lasterketak ospatuko dire 17:30tan.


Errelebokako lasterketaren izen emateak 10 euro balioko ditu ondorengo afaria aukeratzen bada, eta 5 euro lasterketan parte hartzeko bakarrik. Izena ematea egun berean edo aldez aurretik egin ahal izango da, Berako Pikabea harategian. Gainera, lehen hiru sailkatuentzako sariak egondo dira, eta dutxa zerbitzua Berako kiroldegian.


Afarira lagun, bizilagun eta ikusleak ere sartzen ahalko dira. Guztientzat prezioa hamar eurokoa izanen da eta tiketak aldez aurretik eros daitezke Pikabea harategian.


Data: Larunbata, uztailaren 23a


Ordua: 18.00 (helduak). 17.30 (haurrak)


Ibilbidea: 2, 3 eta 4 kilometrotako erreleboak. 3 partaidez osatutako taldekako lasterketa eta emakumezko batez gutxienez osaturikoa. Aldez aurreko izen ematea alkaiagatrail@hotmail.com helbide elektronikoan.


Izen ematea: Egunean bertan 10 eurotan (afaria barne). 5 euro lasterketan bakarrik parte hartzeko


Sariak: Lehenengo 3 taldeentzako.


AGERRA MENDI TALDEAK ETA MANTTALEK GAVARNIE ETA TAILLONERA IRTEERA EGINGO DUTE UZTAILAREN 16AN

2021ean, pandemia dela eta, Agerra Mendi Taldeak eta Manttalek Pirinioetako Gavarnie eta Bujaruelorako mendi-irteera eta Taillon mendia berreskuratu dituzte. Txango hau uztailaren 16an eginen da eta parte hartzean interesatuta dagoen orori zuzenduta dago.


Agerra Mendi Taldeak eta Manttalek, bi mailetako bi irteera desberdin prestatu dituzte. Bietatik eramangarriena Gavarnie herritik irtengo da Bujarueloko lepora igotzeko, 4 ordu inguruko ibilbidea eta 600 metroko desnibelarekin.


Beste aukera, gogorragoa izango dena, col de Tentesetik aterako da, Bujaruelotik pasa eta Sarradetseko aterpetxera iristeko. Bertatik Errolanen Bretxa igoko da eta hortik Taillonera. Itzulera bide berdinetik izanen da eta 6 ordu inguruko iraupena eta 1.200 metroko desnivela egingo dugula kalkulatu dugu


Ondoren, bi martxetako partaideak Bujaruelon elkartuko dira, Taillonen zendutako Loro Pikabea, Xabier Zubieta eta Xabier Saralegiren omenezko monolitoan. Omenaldiaren ondoren Gavarnie herriaren ondoan bazkaria eginen da.


Txangoa goizeko 5.30tan irtengo da Iamoteneako parkinetik, Beran, eta arratsaldeko 21.00-22.00etarako iritsiko da berriz Berara. Prezioa 25 eurokoa da eta autobus, bidaia eta bazkaria barne daude prezio horretan.


Izen emateak mugatuak dira eta Agerrako Pikabea Harategian egingo dira. Izena emateko orduan izena, abizena, telefono zenbakia eta NAN eman beharko dira.


Data: Larunbata, uztailak 16.


Irteera lekua eta ordua: 5.30. Iamoteneako parkinetik, Bera


A aukera: Gavarnie-Bujarueloko lepoa. Iraupen hurbildua: 4 ordu. 600 metroko desnibela.


B aukera: Col de Tentes-Bujarueloko lepoa-Sarradetseko aterpetxea-Rolandeko bretxa-Taillon-Rolandeko bretxa-Sarradetseko aterpetxea-Bujarueloko lepoa. Iraupen hurbildua: 6 ordu. 1200 metroko desnibela


Prezioa: 25 euro (bidaia, segurua eta bazkaria barne)


Izen emateak Agerrako Pikabea Harategian.

MANTTALEREN UDALEKUETARAKO IZEN EMATEAK ZABALIK

Manttalek udalekuetarako izen-emateak martxan jarri ditu. Izena ematea Manttaleren webgunean (www.manttale.com) zabalik dago ekainaren 10era arte.


Udalekuak 2010 eta 2015 bitartean jaiotako haurrentzat izango dira (bi urteak barne), eta Beran eginen dira uztailaren 4tik 29ra, 9:30etik 13:00etara.


Udalekuen prezioa 100 eurokoa izango da haur bakoitzeko, 180 bi anai-arreba badira eta 250 eurokoa hiru anai-arrebe direnen kasuan.

OIER ARIZNABARRETA ETA MARIA ORDOÑEZEK IRABAZI DUTE BERAKO XVI. MENDI MARATOI ERDIA

Joseba Larralde eta MarIa Ordoñez Nafarroako txapeldun bilakatu dira


Oier Ariznabarreta, ordu bete, 39 minutu eta 51 segundoko denborarekin, eta Maria Ordoñez, 2 ordu, 3 minutu eta 54 segundorekin, Beran (Nafarroa) ospatutako hamaseigarren Mendi Maratoi Erdiko txapeldun izan dira gaur. Durangoko korrikalariak ez du arazorik izan zazpigarren aldiz jarraian nagusitzeko gizonezkoen kategorian, Imanol Goñiren eta Joseba Larralde beratarraren aurretik, 21 kilometro eta 2.700 metroko desnibela dituen ibilbidean.


Ariznabarreta lasterketaren lehen metrotik joan da buruan, eta Larunen, ibilbideko punturik altuenean, lau minutuko tartea atera dio Goñiri.


Irabazleak ezin izan du 2014tik ordu bete, 37 minutu eta 30 segundokoa den bere errekorra hobetu. Tarteko helmuga ere, 150 eurorekin saritua, Ariznabarretarentzat izan da.


Emakumezkoen kategorian, Berako maratoi erdian debutatu duen Maria Ordoñezek irabazi du, Naiara Irigoien bigarren sailkatuari ia minutu bateko tartea, eta Oihana Kortazar hirugarrenari lau minutuko tartea ateraz.


14 eta 17 urte bitartekoei zuzendutako Gazte Trailean, Beratik irten eta Beran bukatzen zen 10 kilometroko ibilbide berrian, Beñat Albisu izan da irabazlea, Markel Barrio eta Oihan Pikabearen aurretik. Emakumezkoen kategorian Oihana Arrutik irabazi du.


Taldekako sailkapenean Txurregi taldea gailendu da, Hiru Herriren aurretik.


Guztira 530 korrikalarik parte hartu dute proban, horietatik 459 helmugaratuz. Publiko jendetsua egon da lasterketa ikusten, tenperatura freskoekin hasi den goiz eguzkitsu batean, haizetsu ibilbideko goiko eremuetan.


Guztira 530 korrikalarik parte hartu dute proban, horietatik 459 helmugaratuz. Publiko jendetsua egon da lasterketa ikusten, tenperatura freskoekin hasi den goiz eguzkitsu batean, haizetsu ibilbideko goiko eremuetan.


Sari banaketan, Manttalek, Agerra Mendi Taldeak eta Gure Txokoak osatzen duen antolakuntzak osasun-langileei omenaldia egin die, bai lasterketaren 16 urteetan emandako laguntzagatik, bai covidaren pandemian egindako lanagatik. Osasun-langileak podiumera igo dira, eta oroitzapenezko kamiseta bana eta hainbat opari eman dizkiete.


FOTOGRAFÍAS / ARGAZKIAK: Eneritz Zapiain


SAILKAPENAK EGIN KLIK HEMEN

TALDEKAKO SAILKAPENAK

⚠️ADI!!!⚠️


✅ Sailkapeneko lehenengo bi taldeentzat sariak egongo dira.


ℹ️ Taldekako sailkapena egiterakoan, talde bakoitzeko lehen lau lasterkarien postuak hartuko dira kontuan, baina lehenengo lau horietatik bat gutxienez, emakumea izan beharko da!!! ℹ️

BERAKO MENDI MARATOI ERDIAK 550 PARTE-HARTZAILE INGURU ELKARTUKO DITU APIRILAREN 10EAN

Lasterketa Nafarroako Banakako Mendi Lasterketen txapelketa izango da.


Bi urte eta gero, bueltan da Berako Mendi Maratoi Erdia Apirilaren 10ean, 550 parte- hartzaile ingururekin- Lasterketak 21 kilometro eta 2.714 metroko desnibela izango du, eta Larun menditik pasako da.


Aurten, lasterketako kategoria absolutu eta beteranoak (gizonezko zein emakumezkoetan) Nafarroako Mendi Lasterketen Txapelketako tituluak banatzeko erabiliko dira.


Oier Ariznabarreta, azken Sara Korrikaren irabazlea, zazpigarren ondoz ondoko garaipena lortzen saiatuko da. Duela zenbait urtetik erabateko dominatzailea izan da lasterketa honetan, eta errekorra ere berak du (1:37:30, 2014 urtean). Irteera-lerroan Walter Becerra ere egongo da, 2019ko azken edizioan bigarrena izan zena, eta Xabi Zarranz, hirugarrena eta Nafarroako txapelketa irabazteko hautagairik handienetako bat. Joseba Larrande beratarra ere ibiliko da Sara Korrikan hirugarren izandakoa.


Emakumezkoen kategorian, 40 emakume inguruk hartuko dute parte lasterketan. Oihana Kortazar-ek parte hartuko du, 2019an bigarrena, eta Beran irabazlea 2009an, 2011an eta 2013an. Ainhoa Sanz, berriz, 2019an irabazlea, baja izango da lesio batengatik, eta Maria Zorrozak, orain dela hiru urte hirugarrena, ezin izango du parte hartu ama izan baita duela gutxi. Honako hauek ere parte hartuko dute: Alizia Olazabal (hiru aldiz lasterketaren irabazlea), Oihana Zubillaga (Arriarango Mendi Lasterketaren irabazlea) eta Lurdes Oiartzabal (lehen beteranoa Donostia-Hondarribia Talaia Bidean).


IGANDEAN ERE GAZTE TRAILA


Manttalek Gazte Traila berriro antolatuko du, 14 eta 17 urte bitarteko gaztetxoentzako lasterketa. 10 kilometro eta 400 metroko desnibela duen proba, 10:00etan aterako da eta lehenengo bost kilometroak neutralizatu egingo dira, lasterkari guztiak taldean joanda.


Lasterketa kiroldegitik atera eta Postasera igoko da, gero Usatitasera joateko. Hortik Zumalkurantz abiatuko da, eta bertatik Berako Mendi Maratori Erdiaren bide antzekoa egingo da. Izen-ematea, bost euroko prezioan, pb-organisation.com web orrian egin daiteke.


OMENALDIA LASTERKETAN LAGUNTZEN DUTEN ETA PANDEMIAN LAN EGIN DUTEN OSASUN-LANGILEEI


Manttalek Berako Mendi Maratoi Erdia aprobetxatuko du osasun langileek lasterketan lehenengo edizioetatik egin duten lana omentzeko. Gainera, omenaldia baliagarria izango da Bortzirietako osasun-sektore osoak pandemian egindako lana eskertzeko. Omenaldia lasterketa bukatutakoan eginen da, sari banaketan.

ANOA POSTUAK

⚠️ ANOA POSTUETAN EDALONTZI BAKARRA ERABILI MESEDEZ ⚠️


♻️ Lasterketa ekologikoagoa izan dadin, aurten anoa postuetan edalontzi konpostagarriak estreinatuko ditugu, erabili ondoren konposta egiteko erabili daitezkenak. ♻️


ℹ️ Anoa postuak 4, 6'6, 9, 10'8, 13, 14, 15, 17, 19 kilometroetan eta metan egongo dira. 4.km-an izan ezik (likidoekin bakarrik), beste guztietan jana eta edaria egongo da.

MENDI TXANGOAK

BERAKO MENDI MARATOI ERDIA MENDIAN IKUSI NAHI BADUZUE, ZUENTZAKO BI TXANGO GIDATU ANTOLATU DITUGU!


BERA - LARUN - BERA 📍Irteera Gunea ⏱ 08:30h ↔️ 14 Kilometro


BERA - USATEGIETA - LANDAGAITA - BERA 📍Irteera Gunea ⏱ 09:00h ↔️ 10 Kilometro


TXANGOAK GIDATUAK IZANEN DIRA ANTOLAKUNTZAKO MENDIZALE BATEKIN!


LASTERKETA BERTZE IKUSPUNTU BATETIK BIZITZEKO BERTZE MODU BAT! ANIMATU!


OMENALDIA LASTERKETAN LAGUNTZEN DUTEN ETA PANDEMIAN LAN EGIN DUTEN OSASUN-LANGILEEI

Manttalek Berako Mendi Maratoi Erdia aprobetxatuko du osasun langileek lasterketan lehenengo edizioetatik egin duten lana omentzeko.


Gainera, omenaldia baliagarria izango da Bortzirietako osasun-sektore osoak pandemian egindako lana eskertzeko.


Omenaldia lasterketa bukatutakoan eginen da, sari banaketan


AURTENGO KAMISETA!!!

Aurtengo kamiseta aurkezten dizuegu!


Lasterketaren amaieran jaso dezakezue helmugan, lasterkariaren poltsarekin batera.


V. BERAKO GAZTE TRAIL

Aurten ere Gazte Traila antolatuko dugu, ibilbide berri batekin. Izen ematea datorren astelehenean (martxoak 14) 15:00etan irekiko da, www.pb-organisation.com webgunean.


DATA: 2022ko apirilaren 10a


IRTEERA ORDUA: Goizeko 10:00etan. Maratoi erdiko irteera berdinetik.


IZEN-EMATEA: martxoaren 14tik aurrera, astelehena, pb-organisation.com webgunean. PREZIOA: 5 euro.


ADINA: 2005, 2006, 2007 eta 2008an jaiotakoak


DISTANTZIA: 10 kilometro (lehenengo 5 kilometroak neutralizatuak izango dira).


DESNIBELA: 400 metro +.


KATEGORIEN ARAUDIAREN ALDAKETA

Berako Mendi Maratoi Erdiaren eta Mendi eta Eskalada Kirolen Napar Federakundaren araudiak bateratzeko, gure araudian bi aldaketa egin ditugu.


Lehenik eta behin, emakume beteranoen kategoriarako adina 45 urte izango da, eta ez 40 urte orain arte bezala.


Bigarrenik, adina zehazteko orduan ez da egunean bertan izandako adina kontuan hartuko, jaiotze urtea baizik.


BERAKO MENDI MARATOI ERDIRAKO IZEN-EMATEA MARTXOAREN 1EAN IREKIKO DA

Apirilaren 10ean, igandea, egingo den Berako Mendi Maratoi Erdian izena emateko epea martxoaren 1ean irekiko da, 15:00etatik aurrera, www.pb-organisation.com webgunean.


2019an lasterketa egin zen azken aldian bezala, 525 dortsal egongo dira eskuragarri. Dortsalak agortzen ez badira, izen-ematea apirilaren 7an itxiko da.


Izen-ematearen prezioa 28 euro izanen da korrikalari federatuentzat eta 32 euro federatu gabeentzat. Izena eman ahal izateko ez da beharrezkoa izango aldez aurretik www.pb-organisation.com webgunean erregistratua egotea.


Izena emandakoan ez da ordaindutakoa itzuliko, baina titularitatea apirilaren 7ra arte aldatu ahal izango da, lasterketa aurreko ostegunera arte.


Aurten, Berako Mendi Maratoi Erdia Nafarroako Mendi Lasterketen Banakako Txapelketaren parte izango da. Nafarroako Mendi Federazioaren lizentzia duten korrikalari guztiek titulua eskuratzeko aukera izanen dute.


ARGAZKI-LEHIAKETA

Nahia Fagoagak irabazi du aurten Mendi Egunaren aurreko egunetan egin dugun argazki- lehiaketa Asier Gogorza argazkilariak aukeratuta (Lehendabiziko argazkia). Bestalde, Maddalen Jimenezek aurkeztutako argazkia izan da irudi guztien artean Instagramen egindako bozketa herrikoiaren irabazlea (bigarren argazkia). Irabazleek Martiko produktu- sorta bat jasoko dute sari gisa.


Guztira 33 argazki aurkeztu dira. Eskerrik asko guztioi parte hartzeagatik.


38 BIKOTEK HARTU DUTE PARTE SANTA BARBARAKO KRONOESKALADAN BERAN

Guztira 38 bikote eta hirukotek hartu zuten parte larunbatean Berako XV. Mendi Egunean. Aurten, covidarengatik egin beharreko aldaketen ondorioz, ohiko programa Santa Barbarako kronoeskaladara, Labiagarako txangora eta mendien inguruko dokumental baten proiekziora murriztu zen.


Santa Barbarako kronoeskaladan 38 bikote eta hirukote bildu ziren 5,5 kilometro inguruko ibilbidea egiteko arratsalde eguzkitsu batean. Aurten ez da ohiko mendi irteera antolatu, baina mendizale askok zirkuitua osatzea erabaki zuten.


Bikote eta hirukoteek minutuko tartearekin irten joan ziren, eta bakoitzak dortsala bost minutu lehenago jaso zuen, pilaketarik gerta ez zedin eta covidaren kontrako neurriak errespetatzeko. Ohikoa den bezala, izena ematea doakoa izan zen, eta parte-hartzaile bakoitzak produktu gastronomikoak zituen poltsa bat eta buff bat jaso zituen lasterketa amaitzean. Aurten ere, denborak neurtu ziren, baina ez zen sailkapenik egin, ez eta saririk eman ere.


Aurretik, goizean, Labiagara ibilaldi bat egin zen, eta ate irekien eguna izan zen Artxila Eskaladan.


Erlojupekoaren ondoren, kultur etxean ‘Jötunn’ dokumentalaren emanaldia izan zen, Mikel Sarasola kayakista donostiarraren eskutik. Islandiara egin zuen azken bidaiari buruzko filma aurkeztu zuen, azkeneko Bilbao Mendi Film Festival jaialdian estreinatua.


Eskerrak eman nahi dizkiegu Mendi Eguna ospatzeko aukera eman duten boluntario, parte-hartzaile eta ikusle guztiei. 2023an egoera normalera itzultzea espero dugu, urtero egiten ditugun jarduera guztiak berreskuratzeko, Xabier Zubieta, Xabier Saralegi eta Loro Pikabearen oroimenez.


Argaki Lehiaketa: Gaur Urtarrilak 16, epaimahaia lanean jarri da argazki lehiaketako bi saridunak zeintzuk diren erabakitzeko. Instagram sariko bozkak ere kontaketa lanetan dago. Bihar astelehena jakinaraziko du Manttalek zeintzuk diren irabazleak.


HELMUGAKO DENBORA OFIZIALAK

SANTA BARBARAKO ERLOJUPEKORAKO DORTSALAK ETA BILTZEKO ORDUA

Gaur ostirala (urtarrilak 14), Santa Barbarako binakako erlojupekoan izena emateko azken eguna izango da. Gaur gaueko 22:00etan bikote bakoitzaren dortsala, dortsala jasotzeko ordua eta irteera ordua argitaratuko dira Manttaleren webgunean. Gainera, parte-hartzaile guztiek email bidez dortsal zenbakia, dortsala biltzeko ordua eta irteera ordua jasoko dituzte.


MIKEL SARASOLAREN JÖTUNN BIDEO PROIEKZIORAKO SARRERAK


Mikel Sarasolaren Jötunn dokumentalerako sarrerak gaur, ostirala, 22:00ak arte egongo dira salgai Manttaleren webgunean. Webeko “sarrerak-entradas” atalean aurkitu daitezke. Sarrerak erosten dituzten guztiek email bat jasoko dute sarrerarekin, baina webgunetik ere deskargatu ahal izango dute.


MIKEL SARASOLAREN JÖTUNN DOKUMENTALAREN EMANALDIA

Mendi Eguna dela eta, datorren larunbatean, 19:00tan, Mikel Sarasolaren Jötunn dokumentala proiektatuko da Berako kultur etxean.


Mikel Sarasola Berara etorriko da bere filma aurkeztera. Donostiako kayakista, Aniol Serrasolsesekin batera, eta Aleix Salvat eta David Nogales argazkilariekin, Islandiako paisaia ikusgarrietan murgildu zen. Islandia munduko ur-jauzi kontzentrazio handiena duen herrialdeetako bat da, eta hori dela eta kayak extremoa praktikatzeko leku garrantzitsuenetarikoa da.


Jötunn dokumentala Bilbao Mendi Film Festival-ean estreinatu zen.


Dokumentala ikusteko sarrerak salgai daude dagoeneko bi euroren truke, eta Manttaleren webgunean zein Bizum bidez eros daitezke, 647 296 104 telefonoan. Bizum bidez egiten bada, lehenago Manttaleren webgunean aukera hori hautatu behar da.

MANTTALEK SANTA BARBARAKO KRONOESKALADA ETA LABIAGARAKO TXANGOA ANTOLATUKO DITU URTARRILAREN 15EAN.

Manttale Mendi Lasterketa Taldeak XV. Mendi Eguna antolatuko du Beran urtarrilaren 15ean. Pandemiaren eta osasun murrizketen ondorioz, Santa Barbarako kronoeskalada bikoteka edo hirukoteka eginen da baita Labiagara txangoa ere.


Ez da eskalada-tailerra egingo, ez eta erloju-kontrako ondorengo luntx-a ere.


KRONOESKALADA


Kronoeskaladan izena emateko, Manttaleren web orria (www.manttale.com) erabiliko da urtarrilaren 14a arte.


Izena eman duten guztiek posta elektronikoz jasoko dituzte bere zenbaki dortsala eta irteera-ordua lasterketaren bezperan, urtarrilaren 14an (ostirala). Lasterkariek irteera ordua baino bost minutu lehenago joan beharko dute irteera eremura, dortsala biltzeko eta pilaketak saihesteko. Irten baino lehen eta kronoeskalada bukatu ondoren, parte-hartzaileek musukoa eraman beharko dute, ibilbidea egiten duten bitartean bakarrik kendu ahal izango dute.


Bikoteak minuturo aterako dira 15.30tik aurrera eta azken bikotea iristen denean, bukatutzat emanen da kronoeskalada.


MENDI IRTEERA LABIAGARA


Berritasun gisa, urtarrilaren 15ean, larunbata, Labiagara irteera bat antolatu da denentzat, Manttalek gidatuta, Berako Toki Ona kiroldegitik aterita 9:00etan. Ibilbidea hau izanen da: Bera-Idoia-Labiaga-Santa Barbara-Bera. Ez da beharrezkoa aldez aurretik izena ematea.


Idoian sei urtetik beherakoak haien gurasoekin batera txangora batu ahal izango dira.


ATE IREKIEN JARDUNALDIA ARTXILA ESKALADAN


Artxila Eskalada Taldeak ate irekiko jardunaldia antolatu du 9:00etatik 12:00etara. Zalain industrialdeko Artxilako instalazioetara hurbil daite eskalatu nahi duen orok.


BIDEO EMANALDIA BERAKO KULTUR ETXEAN


Manttale mendi lasterketa taldeak momentu hauetan bideo proiekzio bat lortzeko lanean dago. Momentuz ez daukagu deus lotuta beraz sarreren salmentak beranduago irekiko dira. Barkatu eragozpenak.


ARGAZKI LEHIAKETA


Aurtengo Berako mendi egunerako argazki lehiaketa berri bat martxan jarri dugu! Urtarrilaren 14 arte izango duzue aukera argazki lehiaketan parte hartzeko! Kontutan hartzeko kontu bat, BORTZIRIETAKO MENDIA izanen da lehiaketa honen GAIA. Parte hartzeko, gure web gunean ireki dugun plataforman aukera izanen duzue zuen argazkiak goitzeko! Argazki bilduma ikusgai egonen da plataforman bertan! Antolakuntzak argazkirik politena auketuko du eta janari lote bat oparituko zaio! PARTE HARTU! ZORTE ON!


BADITUGU 2022KO LASTERKETEN DATAK

Baditugu 2022an antolatuko ditugun lasterketetarako datak. Ohikoa den bezala, Mendi Egunarekin estreinatuko dugu urtea urtarrilaren 15ean, larunbatean. Eskalada tailer bat antolatuko da, Santa Barbarara txango eta bikotekako erlojupekoarekin batera.


Bi urtez bertan behera utzi behar izan ondoren, Mendi Maratoi Erdia apirilaren 10ean (igandea) izango da. Bestalde, Alkaiaga Traila uztailaren 23an izango da (larunbata), eta ia aste bat beranduago, Gau Krossa, abuztuaren 1ean (astelehena).


XV. BERAKO MENDI EGUNA // 2022KO URTARRILAREN 15ean


XVI. BERAKO MENDI MARATOI ERDIA // 2022KO APIRILAREN 10ean


XI. ALKAIAGA TRAIL LASTERKETA // 2022KO UZTAILAREN 23an


XVIII. BERAKO GAU LASTERKETA // 2022KO ABUZTUAREN 1ean


ANE ELZAURDIA ETA ALBERTO BARBERENAK IRABAZI DUTE VII. BERAKO GAU KROSSA

Ane Elzaurdia eta Alberto Barberenak irabazi zuten larunbatean, Berako Gau Krossaren zazpigarren edizioan. Elizondoko korrikalariak ordu erdi baino gehixeago (32:13) behar izan zuen lasterketaren ibilbidea osatzeko, Bera inguruko kale eta mendietatik zazpi kilometro eta 300 metroko desnibel positiboa duena. Mathieu Gachen saratarrak (33:03) eta Gwendal Larqué beratarrak (33:22) podiuma osatu zuten bigarren eta hirugarren postuetan, hurrenez hurren. Barberena (2014ean bigarren izan zena) egin diren Gau Krossaren zazpi edizioetan zazpigarren irabazle desberdina da.


Emakumezkoen kategorian, Ane Elzaurdia Manttaleko lasterkariak bigarren garaipena lortu zuen Gau Krossean (2018an ere irabazi zuen), 40:42ko denborarekin Inés Arreitunandiaren (44:00) eta Lorea Sarobe beratarraren aurretik.


71 korrikalarik hartu zuten parte, eta covidaren aurkako neurriak betez egin zen.


Anbrunak kuadrilla (Gwendal Larqué, Jon De la Cruz, Rubén Zapirain, Lorea Zaldua, Lorea Sarobe eta Carlos Campos) izan zen azkarrena, Arrastakaren aurretik (Oihan Pikabea, Amaiur Goñi eta Aritz Gartzia).


Parte-hartzaile guztiek korrikalariaren poltsa bat jaso zuten Martiko, Zalain Janariak eta S. Mazizior Edariaken produktuekin.


Lerro hauen bitartez eskerrak eman nahi dizkiegu proba antolatzen lagundu zuten boluntarioei, erakundeei eta enpresei.


SAILKAPENAK


BERAKO GAU KROSSERAKO IZEN EMATEAREN IREKIERA

Datorren astelehenean, abuztuaren 16an, Irailaren 4ean (larunbata) egingo den Berako Gau Krosserako izen ematea irekiko da. Izen ematea www.pb-organisation.com webgunean izango da 10 euroren truke. Lasterketaren egunean 15 euro ordaindu beharko dira.


Gau Krossa 22:00etan hasiko da eta covid protokoloa jarraitu beharko da. Ikusleek ezingo dute Merkatu plazako irteera eta helmuga gunera sartu, eta parte-hartzaileek musukoa jarri beharko dute lasterketaren aurretik eta ondoren.


Gizonezkoen eta emakumezkoen lehen hiru sailkatu absolutuentzako sariez gain, bi kuadrilla onenentzako sariak ere egongo dira.


Kuadrillak lau korrikalarik osatuko dituzte, gutxienez emakume bat egon beharko da, eta talde bakoitzeko lehenengo hiruek puntuatuko dute, baina lauek helmugara iritsi beharko dute.


Aurten ez da luntxik egongo lasterketaren amaieran, baina parte-hartzaile bakoitzak poltsa bat jasoko du Martiko eta Zalain Janariak-en babesari esker.


Aurreko edizioetan bezala, frontala erabili beharko da nahitaez


IZEN EMATEAK PB-ORGANISATION.COM (IREKIERA ABUZTUAREN 16AN)


Hauek dira Berako Mendi Maratoi Erdi eta Gazte Trail birtualean parte hartu duten guztien artean egin dugun zozketaren saridunak.

Martikoko 8 lote eta Manttaleren 6 kamiseta zozketatu ditugu.


MARTIKO LOTEAK


Lorea Sarobe, Josemari Lasaga, Matxako, Maialen Larrañaga Cuevas, Hodei Lujanbio, Ana Molinero, Julen Zelaieta, Xole Garmendia, Josemari Telletxea,


MANTTALEREN KAMISETAK


Ixone Larreta, Mikel Eltzaurdia, Luis Fernandez de Barrena, Peru Lekuona, Xuban Huizi sanchez, Joseba Iriarte Retegi, June Pikabea


ZORIONAK ETA ESKERRIK ASKO PARTE HARTZEAGATIK!


BERAKO MENDI MARATOI ERDIAREN ERRONKA MANTTALERENTZAT

Manttale taldeak ibilbidea erreleboka egiteko 1:45:46 behar izan ditu, eta Oier Ariznabarretak, bakarka, 1:47:11


Gaur goizean Berako Mendi Maratoi Erdian egindako Manttale eta Oier Ariznabarretaren arteko erronka nafarroako taldeak irabazi du. Manttalek eta Oierrek erronka bat prestatu zuten zeinetan Oierrek maratoi erdiaren 21 kilometroak berak bakarrik burutuko zituen, eta aldi berean Manttale taldeko 21 korrikalarik erreleboka bakoitzak kilometro bana egingo zituzten.


Manttaleko 21 lasterkariek maratoi erdia 1:45:46tan bukatu dute eta Oier Ariznabarretak 1:47:11tan. Manttale hasieratik ibili da buruan eguraldi oso euritsua, hotza, haizetsua eta Larunen (ibilbidearen punturik altuenean) elur pixkot eta guzti izan duen goiz honetan. Oierrek berak helmugan azaldu duenez Larungo igoeran hotz asko pasa du, nahiz eta erronkarekin oso pozik geratu den.


Manttaleren taldea harrobiko gazte eta beteranoez osatuta zegoen, emakume zein gizonekin.


Erreleboka ibili diren lasterkariak hauek izan dira: Gwendal Larqué (1. kilometroa), Beñat Albisu (2. km), Juan Luis Irazoki (3. km), Joseba Lasarte (4. km), Jokin Irazoki (5. km), Markel Etxebeste (6. km), Oihan Pikabea (7. km), Juanma Molinero (8. km), Juanra Pikabea (9. km), Ane Eltzaurdia (10. km), Josema Huizi (11. km), Ibai Berregi (12. km), Julen Baleztena (13. km), Asier Apezetxea (14. km), Aritz García (15. km), Ainhoa Etxegarai (16. km), Txus Unsion (17. km), Mattin Garbisu (18. km), Adrián Gajate (19. km), Amaiur Goñi (20. km) y Patxi Pikabea (21. km).


Oierrek lasterketaren errekorra du (1:37:30) eta lasterketaren azken 6 edizioak irabazi ditu. Azken urteetan lortu dituen denborak hauek dira: (1:39:38, 2019), (1:40:55, 2018), (1:44:05, 2017), (1:40:16, 2016), (1:39:21, 2015), (1:37:30, 2014), (1:43:15, 2013) y (1:41:23, 2011).


Lerro hauen bitartez eskerrak eman nahi dizkiegu ibilbidean lagundu duten kolaboratzaile guztiei eta Martiko enpresari, froga babesteagatik. Eta bereziki Oierri eskerrak eman nahi dizkiogu erronka onartzeagatik eta betidanik lasterketa, Manttale eta Berarekiko erakutsi duen maitasunarengatik. Gaur bertan, erronka bukatzean, datorren urtean Berako Mendi Maratoi Erdian parte hartuko duela iragarri du, izan ere 2022an lasterketa ospatu ahal izatea espero dugu pandemia dela eta bi urteko geldialdiaren ondoren.


Bestalde, azken 15 egunetan martxan egon den maratoi erdi birtualean, 92 pertsonek hartu dute parte, lasterketa honetako eta Gazte Traileko ibilbideak 112 aldiz osatu dituztelarik.


1 vs 21, ARIZNABARRETA MANTTALEREN AURKA

Durangoko korrikalaria Manttalerekin neurtuko da Berako Mendi Maratoi Erdian


Ariznabarretak lasterketa osoa egingo du, eta Manttaleko korrikalari bakoitzak, txandaka, probaren 21etatik kilometro bat egingo du, lasterketa Martikok babestuko du.


Manttale Mendi Lasterketa Taldeak erronka berezia prestatu du datorren iganderako (apirilaren 11). Egun horretan Berako Mendi Maratoi Erdia egitea aurreikusita zegoen, eta duela aste batzuk bertan behera utzi behar izan zen pandemia dela eta.


Hutsune hori betetzeko, Manttalek erronka bat antolatu du, Martiko enpresaren babesarekin, zeinetan Oier Ariznabarreta eta Manttale taldea neurtuko dira.


Erronka oso sinplea da. Oier Ariznabarretak Berako Mendi Maratoi Erdiaren ibilbidea (21 kilometro) osatu beharko du, eta Manttalek gauza bera egingo du Oierrekin batera, baina 21 lasterkariz osatutako talde batekin. Lasterkari bakoitzak kilometro bateko erreleboa egingo du. Hau da, Oierrek 21 kilometroak egingo ditu, eta Manttaleko 21 lasterkarietako bakoitzak kilometro bana.


Lasterketa 9:30tan hasiko da, maratoi-erdiaren ohiko irteera-puntuan, Rikardo Baroja Eskolaren ondoan. Oierrek lasterketa lehen kilometroa egiteko ardura duen Manttaleko lasterkariaren ondoan hasiko du. Manttaleko gainerako lasterkariak beren kilometroetan banatuak egongo dira, erreleboa hartu arte.


Ibilbide osoa seinaleztatuta egongo da eta Oier Ariznabarretak hainbat hornidura puntu izango ditu.


Manttaleren taldea gizon, emakume eta harrobiko gazteek osatuko dute.


Oier Aiznabarretak Berako Mendi Maratoi Erdiaren azken sei edizioak irabazi ditu, eta errekorra du gaur egun (1:37:30, 2014. urtean). Lortutako sei garaipenetan ordu eta 44 minutu baino gutxiago behar izan ditu.


Informazio gehiagorako


Txomin Irazoki: 670 471 200


Iñaki Pikabea: 627 871 875


2021EKO BERAKO MENDI MARATOI ERDIA BIRTUALKI EGINGO DA 15 EGUNETAN ZEHAR

Korrika edo oinez egin ahal izango dira 21 kilometroko Maratoi Erdia zein 9 kilometroko Gazte Traila


Berako Mendi Maratoi Erdia birtualki egingo da 2021ean. Martxoaren 27tik apirilaren 10era bitartean, nahi duen orok frogan parte hartu ahal izango du bai korrika zein oinez.


Parte hartzeko, Manttaleren webgunean dohainik izena eman beharko da bakarrik.


Bi modalitate egongo dira: Mendi Maratoi Erdia, 21 kilometro eta 1.300 metroko desnibel positiboarekin, eta Gazte Traila, 9,3 kilometro eta 300 metroko desnibel positiboarekin.


Nafarroan bizi direnek lasterketa Maratoi Erdi eta Gazte Trailaren zirkuituan bertan egiteko aukera izango dute, ibilbidea 15 egunez egongo baita seinaleztatuta, martxoaren 27tik (larunbata) apirilaren 10era (larunbata).


Ibilbideak oinez zein korrika egin daitezke. Oinez egiten badira, ez da beharrezkoa izango egun berean bide osoa egitea, baizik eta egun batzuetan zehar egin ahal izango da, hala ere Manttaleren webgunera egun bakoitzean egindako tartea igo beharko da. Era berean, nahi bezainbeste aldiz har daiteke parte. Gazte Traila edo Maratoi Erdia behin, bitan, hirutan edo nahi den aldi guztietan egin daiteke.


Behin Maratoi Erdia edo Gazte Traila bukatuta, Manttaleren webgunera egindako distantzia, desnibela eta denbora eskuz igotzea nahikoa izango da.


Nafarroatik kanpo bizi direnek eta perimetro itxierarengatik Berara etortzeko aukerarik ez dutenek ere edizio birtual honetan parte har dezakete. Maratoi Erdiaren edo Gazte Trailaren antzeko distantzia eta desnibela duen ibilbidea simulatu besterik ez dute egin beharko. Kasu horretan ere, Manttaleren webgunera distantzia, desnibela eta denbora igo beharko dira.


2021ko edizio birtual honetan ez da sailkapenik egingo, baina parte-hartzaileek egindako denborak ikusi ahal izango dira.


Zerrenda batean, Maratoi Erdian eta Gazte Trailean parte hartzen dutenen denborak ikusiko dira, eta beste zerrenda batean, Beran ibilbidea egiterik izan ez dutenen eta oinez egin dutenen markak egongo dira.


Antolatzaileek Martikoko 10 sorta eta hamar kamiseta zozkatuko dituzte parte-hartzaile guztien artean.


Izen ematea egiteko eta datuak Manttaleren webean sortu dugun plataformara igotzeko ordenagailu bat erabiltzea gomendatzen dugu eta ez mugikorraren bidez egitea.


2021EAN ERE BERAKO MENDI MARATOI ERDIA BERTAN BEHERA UTZIKO DUGU

Aurten ere, 2021ean, Berako Mendi Maratoi Erdia ezin izango dugu antolatu. 2020ko edizioa bertan behera utzi behar izan ondoren, aurten ospatzea gustatuko litzaiguke, izan ere apirileko data eta guzti aukeratuta genuen.


Hala ere ez da posible izango. Pandemiak ez du etenik ematen eta egoera sanitarioaren bilakaera ez da guztioi gustatuko litzaigukeen bezainbeste hobetu. Ez dakigu hemendik bi hilabete eta erdira egoera nolakoa izango den, lasterketa egiteko intentzioa genuen datan, baina nolanahi ere ez dirudi Berako Mendi Maratoi Erdia beti antolatu dugun moduan ospatzeko aukerarik egongo denik: 550 korrikalari, 200 boluntario eta publiko askorekin


Egoera honen aurrean, eta atsekabez, lasterketa bertan behera uztea erabaki dugu. Lerro hauen bidez, eskerrak eman nahi dizkiegu lasterketa posible izatea egiten duten boluntarioei, korrikalariei, enpresei, saltokiei eta erakundeei eman diguten laguntza eta animoengatik.


2022an ikusiko dugu elkar. Ordurako data jarri dugu jada: 2022ko apirilaren 10a.


MANTTALE MENDI LASTERKETA TALDEA


AGERRA MENDI TALDEA


64 BIKOTEK HARTU ZUTEN PARTE BERAN SANTA BARBARAKO KRONOESKALADAN

Guztira 64 bikote eta hirukotek hartu zuten parte larunbatean Berako XIV. Mendi Egunean. Aurten, COVID-19aren erruz egin beharreko murrizketen ondorioz, ohiko programa bi jardueratara mugatu zen: Santa Barbarako kronoeskalada eta mendiaren inguruko dokumental baten emanaldia.


Santa Barbarako kronoeskaladan 64 bikote eta hirukote elkartu ziren 5,5 kilometro inguruko ibilbidea egiteko, elurte txiki baten azpian eta bi graduko tenperaturan. Zirkuituaren zatirik altuena elurtuta zegoen, baina ez zen ezbeharrik izan. Aurten ez zen ohiko mendi irteera antolatu, baina mendizale askok haien kabuz bira zirkularra osatzea erabaki zuten.


Bikote eta hirukoteek minutuko tartearekin hartu zuten irteera, eta bakoitzak dortsala bost minutu lehenago jaso zuen, pilaketarik gerta ez zedin eta covidaren kontrako neurriak errespetatzeko. Gainera, parte-hartzaile guztiek musukoa jarrita eraman zuten erlojuaren kontrakoaren aurretik eta ondoren. Ohikoa denez, izena ematea doakoa izan zen, lasterkariek amaitzerakoan poltsa bat jaso zuten produktu gastronomikoekin, eta 21 opariren zozketa ere egin zen. Beste behin ere, denborak hartu ziren, baina ez zen sailkapenik egin ez eta saririk eman ere.


Erlojuaren kontrakoaren ondoren, kultur etxean “Cholitas” dokumentala proiektatu zen. COVIDak jarritako murrizketen ondorioz, kultur-etxearen edukiera erdira mugatu zen arren, eskura zeuden 103 sarrerak (edukiera posible guztia) agortu egin ziren.


Eskerrak eman nahi dizkiegu Mendi Eguna ospatzen lagundu duten boluntario, parte-hartzaile eta publikoari. 2022an egoera normalera itzultzea espero dugu, Xabier Zubieta, Xabier Saralegi eta Loro Pikabearen omenez urtero egiten ditugun jarduera guztiak berreskuratzeko.


KLIKATU DENBORA TAULA IKUSTEKO


KLIKATU ARGAZKI BILDUMA IKUSTEKO


MANTTALEK URTARRILAREN 9AN SANTA BARBARAKO KRONOIGOERA ETA “CHOLITAS” DOKUMENTALAREN EMANALDIA ANTOLATUKO DU

Urtarrilaren 9an, Manttale Mendi Lasterketa Taldeak XIV. Mendi Eguna antolatuko du Beran, aurreko urteetan bezala izango ez bada ere. Pandemia eta osasun- eta mugikortasun-mugak direla eta, Santa Barbarako kronoeskalada bakarrik egingo da, bikoteka edo hirunaka, eta ‘Cholitas’ dokumentalaren emanaldia egongo da kultura-etxean.


Ez da mendi-irteerarik egingo, ez eta ondorengo lunchik ere, eta kronoeskalada eta kultur etxeko proiekzioa protokolo zorrotz bati jarraituz garatuko dira.


Kronoeskaladan izena emateko eta dokumentalerako sarrerak saltzeko, Manttaleren web orria (www.manttale.com) bakarrik erabiliko da urtarrilaren 6a arte. Web-orri berean daude kronoeskaladan eta dokumentalaren proiekzioan jarraitu beharreko protokoloak.


Izena eman duten guztiek posta elektronikoz jasoko dituzte beren dortsal zenbakia eta irteera ordua. Korrikalariek irteera-ordua baino bost minutu lehenago joan beharko dute irteera-eremura, pilaketarik gerta ez dadin. Irteera hartu baino lehen eta kronoeskalada bukatu ondoren parte-hartzaileek musukoa jarrita eraman beharko dute, eta ibilbidea egiten duten bitartean bakarrik kendu ahal izango dute.


Bikoteak minutuko tartearekin aterako dira 15:30etik aurrera, eta azkeneko bikotea iristen denean bukatutzat emanen da kronoeskalada.


Irteera-helmugan eremuan gel hidroalkoholikoa egongo da, baina ez da hornidura punturik egongo ez irteeran ez ibilbidean.


Santa Barbarako irteera ez da antolatuko, baina ibilbidea markatuta egongo da bere kabuz egin nahi duenarentzat.


“CHOLITAS”-EN PROIEKZIOA


‘Cholitas’ dokumentalaren emanaldia egongo da 19:00etan kultur etxean. Sarrerak 5 euroren truke eros daitezke Manttaleren webgunean. Edukiera murrizketa dela eta, 103 eserleku bakarrik egongo dira erabilgarri


ANTOLAKUNTZAK MENDI EGUNERAKO SORTU DUEN PROTOKOLOA ESKURATU HEMEN KLIK EGINEZ


IZEN EMATEAK ETA SARRERA SALMETAK HEMEN KLIK EGINEZ


MANTTALEK UDALEKUAK ANTOLATU DITU UZTAILAREN 6TIK 31RA

Manttalek 6 eta 12 urte bitarteko haurrentzako (2008 eta 2013 artean jaiotako haurrak) kirol udalekuak antolatu ditu datorren uztailerako. Udalekuak lau astez eginen dira, uztailaren 6tik 31ra, 9:30etik 13:00etara.


COVID-19 birusarengatik bizi dugun egoera soziosanitarioa dela eta, udalekuak segurtasun neurri higieniko-sanitarioak jarraituz eginen dira. Hala, haurrak egunero Berako kiroldegian elkartuko diren arren, talde desberdinak 15 minutuko aldearekin bilduko dira. 10 neska-mutileko talde bakoitzak bere monitorea izango du, eta ez dira talde batzuk besteekin nahastuko. Talde bakoitzak kolore bat izango du eta haur bakoitzak zein koloretakoa den jakingo du. WhatsApp bidez edo posta elektroniko bidez jakinaraziko zaie gurasoei zein koloretakoa den beren semea edo alaba.


Gainera, haur bakoitzari lehen egunean egutegi bat duen fitxa bat emango zaio. Goizero, haurrek haien tenperatura neurtu beharko dute eta sinatutako fitxa erakutsi beharko diote monitoreari. Ezinbestekoa izango da haur bakoitzak bere maskara motxilan eramatea, eta monitoreek gel hidroalkoholikoa izango dute.


Udalekuetan, haurrek hainbat kirol egingo dituzte: atletismoa, pilota, futbola, saskibaloia, errugbia, beisbola eta boleibola, besteak beste. Egunero kirol desberdin bat eginen dute, antolatzen diren modalitate guztiak proba ditzaten.


Izena emateko epea ekainaren 26ra arte egongo da zabalik, eta prezioa 80 eurokoa izango da haurra Manttale Ttiki atletismo eskolakoa bada, eta 90 eurokoa ez bada. Bi anai-arreba inskribatzen badira, baterako prezioa 140 eurokoa izanen da Manttale Tikikoak badira, eta 150 eurokoa ez badira.


Izen ematea Manttaleren webgunean dagoen formularioa beteta egin ahalko da (www.manttale.com).


MANTTALE UDALEKUAK


Norentzako? 6 eta 12 urte bitarteko haurrentzako. 2008 eta 2013 artean jaiotako haurrak.


Noiz? Uztailaren 6tik 31ra.


Non? Berako kiroldegian


Izen-ematea: Ekainaren 26ra arte formularioa beteta.


Prezioa: 80 euro haurra Manttale Ttikikoa bada. 140 euro bi anai-arreba inskribatzen badira eta biek Manttale Ttikikoak badira. 90 euro haurra ez bada Manttale Ttikikoa. 150 euro bi anai-arreba inskribatzen badira eta biek ez badira Manttale Ttikikoak.


MANTTALE LEHIAKETAKO IRABAZLEAK!

BADAKIGU ZEIN DIREN IRABAZLEAK! ZORIONAK!


Lehenik eta behin, eskerrik asko asteburu honetan lehiaketan parte hartu duzuen guztiei.


Ez da momenturik onena, baina egoera honi alde ona ikusi behar diogu, beraz, hiru egun hauetan izan dugun babes goxo eta beroa eskertzen dizuegu!


Irabazleak honako hauek izan dira:


Facebook-eko lehiaketako irabazlea, Alberto Goñi izan da. ZORIONAK ALBERTO! Zuretzako Manttaleren bi kamiseta opari! Disfrutatu!


Eta Instagram-eko bi irabazleak honako hauek izan dira:


Ainhoa Etxegarai eta Mikel Irigoien! Ainhoarentzako haize-babeserako txaleko bat eta Mikelentzako Martiko produktuen lote bat! Zorionak biei!


Bertzerik gabe, eskerrik asko parte hartu duzuen guztiei, denetara 50 argazki baino gehiago elkarbanatu dituzue eta sare sozialetan nabaritu dugu!


ESKERRIK ASKO MANTTALE TALDEAREN IZENEAN!


MANTTALE LEHIAKETA!

Denek dakizuen bezala, igande honetan ez da Berako Mendi Maratoi Erdia ospatuko, baina, ez gara geldirik geldituko!


Horretarako, ostiral honetatik igandera bitarte, zuen sare sozialetan argazki edota bideoak igotzea eskatzen dizuegu!


Modu batera edo bestera, Berako Mendi Maratoi Erdian parte hartu duzuenen argazki eta bideoak behar ditugu! Eta GURE KAMISETAREKIN beste lasterketa bateko argazkirik baduzu, honek ere balio du!


Zozketa berezi bat eginen dugu sare sozialetara igotako argazki zein bideo guztietako parte hartzaileen artean!


🥇 Saria. MARTIKO produktuen lote bat.


🥈 Saria. Haize-babeserako txaleko bat.


🥉Saria. MANTTALE-ren 2 kamiseta.


Nola parte hartu:


👉 #manttaleetxetik traola erabili publikazio bakoitzean.


FACEBOOK


👉 @manttalemendilasterketataldea etiketa erabili igotako argazki edota bideo guztietan!


INSTAGRAM


👉 Argazki zein bideo bat igo istoria edota publikazioetan eta @manttale_team izendapena edo #manttaleetxetik traola erabili.


TWITTER


👉 #manttaleetxetik traola erabili zuen argazki edo bideoak publikatzerakoan.


📍 Datorren astean zehar, lehiaketako irabazleak zeintzuk diren elkarbanatuko dugu gure sare sozial zein webgunean!


🌠 ZORTE ON!🌠


BERAKO MENDI MARATOI ERDIA BERTAN BEHERA

Covid-19 koronabirusak eragindako pandemia dela eta, osasun-agintarien gomendioei jarraituz eta lasterkarien eta boluntarioen estaldura medikoa ziurtatzeko, datorren apirilaren 19an ospatzekoa zen Berako Mendi Maratoi Erdiaren antolatzaileek lasterketa bertan behera uztea erabaki dugu. Aurten ez da lasterketa hau egingo, ez aurreikusitako datan eta ezta beste batean ere.


2021ko apirilean berriro antolatuko dugu Berako Mendi Maratoi Erdia.


Lerro hauen bitartez aurten zein aurreko urteetan lasterketa antolatzen lagundu duten boluntario, korrikalari, enpresa, saltoki eta erakundeek emandako laguntza eskertu nahi dugu.


2021ean indar gehiagorekin bueltatuko gara


MANTTALE MENDI LASTERKETA TALDEA


AGERRA MENDI TALDEA


HAURREN LASTERKETA 2020

Datorren larunbatean apirilak 18, Berako Mendi Maratoi Erdiaren bezperan, 2007 eta 2016 urteen artean jaiotako haurren lasterketa antolatuko dugu 16:00tan.


Lasterketak Matzada futbol zelai inguruan izango dira.


KATEGORIA BAKOITZEKO ADINAK ETA LUZERAK


16.00h


2016 arte jaiotzakoak: 100m


2014-2015. urteetan jaiotakoak: 200m


2012-2013. urteetan jaiotakoak: 500m


2010-2011. urteetan jaiotakoak: 800m


2009-2008-2007. urteetan jaiotakoak: 1.200m


MANTTALE TALDEAK 2019KO DENBORALDIA ITXI DU 69 LASTERKETA ETA ZORTZI GARAIPENEKIN

Manttale Mendi Lasterketa Taldeak 69 mendi zein errepideko lasterketatan parte hartuz itxi zuen 2019ko denboraldia,. Taldearen ibilbidearen hamalaugarren urtean, urtarriletik abendura arte lasterketatean parte hartu zuten, guztira zortzi garaipenekin. 69 lasterketetatik, 47 mendian izan ziren, eta 22 errepidean.


Ane Elzaurdiak garaipenen erdiak lortu zituen hiru lasterketa irabazita (Goizutrail, Berako Gau Krossa eta Sara Korrika), eta Donostiako Lilatoian lehen juniorra izanda. Gwendal Larquek beste garaipen bat lortu zuen denboraldi hasieran, otsailaren 10ean Donibane Lohitzuneko Ihauteriko Lasterketa irabazita, bederatzi kilometroko luzerarekin.


Bitartean, Asier Apezetxea nagusitu zen Sara Korrikan, Oleta-Yasola-Oleta lasterketan eta Collarada Villanuako (Huesca) kilometro bertikal bikoitzean.


Manttaleko harrobia ere nabaritzen hasia da Ainhoa Etxegaraia, Ganix Arruti, Aimar Zubieta eta Jon Iparragirre bezalako gazteekin.


Manttale osatzen duten hogeita hamarbat korrikalariek parte hartu zuten mendi lasterketen artean Zestoako Kobaz Koba Trail, Lezo-Jaizkibel, Senpereko Ibar Run, Senpereko Trail, Galar Trail, Aiako Mendi Lasterketa, Berako Mendi Maratoi Erdia, Sara Korrika Trail, Arantzako Mendi Lasterketa, Lakuntza-Aralar, Extreme Higa Monreal, Biriatu Pottoka Trail, Goizutrail, Kilómetro Vertical de Larun, Camille Extreme, Lesakako Mendi Lasterketa, Irati Trail, EH Mendi Erronka, Skyrhune, Marimurumendi maratoia, Azkain-Larun-Azkaine, Beñat Elzo Lasterketa, Sara Korrika eta Roncesvalles-Zubiri daude


Asfaltozkoen artean, berriz, honako hauek bereizten dira: Behobia-Donostia, Burgoseko maratoia, Irungo maratoi erdia, Txingudi Korrika, Gasteizko maratoia, Guadalupe, San Martzial eta Lizuniagako igoerak, Doneztebeko krosa, Zubiri-Iruñea eta Irungo gau lasterketa.


2020 denboraldia ongi hasi da Manttalerentzat, izan ere urtarrilaren 19an Josema Huizi estatuko txapeldunorde izan zen Beret Montgarri-ko Snowrunning-ean. Beterano B kategorian. Espezialitate honen Espainiako Kopako lehenengo froga izan zen.


300 PERTSONA BAINO GEHIAGOK PARTE HARTU ZUTEN BERAKO XIII. MENDI EGUNEAN

300 pertsona baino gehiagok hartu zuten parte larunbatean Berako Mendi Egunaren hamahirugarren edizioan antolatutako jardueretan. Bai goizez zein arratsaldez, eskalada-tailerrak, orientazio-probak, mendi-irteerak, erlojuaren kontrako lasterketa eta Edurne Pasabanen dokumentalaren proiekzioak parte-hartzaile eta publiko ugari izan zituzten. Manttalek eta Agerra Mendi Taldeak antolatutako jardunaldi eguzkitsu honetan, beste urte batez, Xabier Zubieta, Loro Pikabea eta Xabier Saralegi mendizaleak gogoratu ziren.


Manttalek eta Agerra Mendi Taldeak dokumentalaren sarrerekin lortutako diru-bilketa osoa eta mendi-ibilaldian zein erlojupekoan parte hartutako jendeak egindako dohaintzak (1.000 euro) Nepalen emakumeen bizitza hobetzeko lan egiten duen Nepaldala ONGari eman zizkion.


Santa Barbarako erlojuaren kontrako lasterketak, 5,5 kilometroko luzerarekin, 63 bikote eta hirukote bildu zituen, Ricardo Baroja Eskolaren sarreratik minutuko tartearekin atera zirenak. Aurretik, zirkuitu beretik mendi-irteera abiatu zen, 50 pertsona baino gehiagorekin.


Aldi berean, txikienentzako bikotekako lasterketa bat ere egin zen, zeinetan 40 haurrek Garmendikobordatik Ricardo Baroja eskolararteko bidea korrika jeitsi zuten, eta bertan merendolaz gozatu ahal izan zuten.


Erlojupeko lasterketaren ondoren, ibilaldian eta erlojupekoan parte hartu zuten guztiek berendua eta oparien zozketa izan zituzten Ricardo Baroja Eskolako jantokian.


Aurretik, goizean, Berako polikiroldegian eskalada tailer bat egin zen zeinetan 130 haur inguruk parte hartu zuten. Talde txikitan banatuta, eskaladarekin lotutako hainbat jarduera (boulderra, rappela, etab.) egin ahal izan zituzten.


Aurten, lehenengo aldiz, haur eta nerabeentzako orientazio-proba bat ere egin zen. Bost laguneko taldetan banatuta, mapa eta iparrorratz batekin Berako hainbat leku kokatu eta esaldi bat osatzeko pistak aurkitu behar izan zituzten.


EDURNE PASABANEN DOKUMENTALA. 1.000 EURO NEPALENTZAT


Eguna amaitzeko Chhapudai. Una expedición de Edurne Pasaban a la cara oculta del Himalaya dokumentalaren emanaldia egon zen. Edurne Pasaban berak aurkeztu zuen pelikula ikuslez gainezka zegoen Berako kultur etxean. Arena de Comunicación-eko, Migueltxo Molinak zuzendutako zintak Pasabanek Saipal mendira (7.031 m) egindako espedizioa kontatzen du. Nepaleko eskualde ezezagun eta urrutienetako bateko lau neskarekin ibili zen, non mendez mende emakumeak baztertuta bizi izan diren.


Pasaban ez ezik, Nepaldala ONGko kideak ere emanaldian egon ziren Nepalen emakumeen bizi-baldintzak eta hezkuntza hobetzeko egiten duten lana azaltzen. Manttalek eta Agerra Mendi Taldeak 1.000 euro bildu zituzten filmerako sarreren salmentarekin eta mendi-ibilaldian zein erlojupekoan parte hartu zutenek borondatez emandako diruarekin. 1.000 euroak Nepaldala ONGari eman zitzaizkion oso-osorik.


URTARRILAREN 11AN OSPATUKO DA BERAN XIII. MENDI EGUNA

‘CHHAUPADI’ FILMA IKUSTEKO AUKERA IZANGO DA. EDURNE PASABANEK HIMALAYAKO AURPEGI IZKUTURA EGINDAKO BIDAIA

Datorren urtarrilaren 11ean ospatuko da Beran hamairugarrenekoz Mendi Eguna,2007ko urtarrilaren 13ean Taillon mendian zendu ziren Xabier Zubieta, Loro Pikabea eta Xabier Saralegiren omenez. Agerra Mendi Taldea eta Manttale Mendi Lasterketa Taldearen eskutik prestatutako egitarauari goizeko 9.45etan emango zaio hasiera Toki Ona kiroldegian, haur eta gazteentzako eskalada tailerrarekin.


14.15etatik antzinera eta Rikardo Baroja Eskolako arkupeetan, Banta Barbarara mendi itzulirako nahiz binakako kronoigoerarako izen emateak irekiko dira.Bi probetako partehartzaileak kiroldegi aurretik ateri eta Santa Barbara kaskotik pasa ondoren irteera puntura bueltatuko dira, 5.5 kilometroko ibilbidea osatuz. Ibilaldia 15.00etan ateriko da eta kronoigoera 15.30etatik antzinera minuturo. Kronoigoeran parte hartu nahi duten 16 urtez azpikoek heldu batek lagunduta begin beharko dute. Izen emateak www.manttale.com web orrian egin daitezke, Errekalde ostatuan, Pikabea harategia, Agara prentsan edo egunean bertan ere.


15.00etatik antzinera ere 12 urtez azpikoentzako lasterketa burutuko da. Bi ekitaldiak bukatuta,Rikardo Baroja Eskolako jangelan merendua izanen da partehartzaile guztientzat eta opari zozketa bat ere.


Ondotik, 19.30etatik antzinera Berako kultur etxean "Chhaupadi. Edurne Pasabanek Himalayako aurpegi izkututa egindako expedizioa" ikusteko aukera izanen da. Arena Comunicacioneko Migueltxo Molinak zuzendutako filmak, Edurnek Saipal (7.031 m) mendira egindako expedizioaz ariko da. Tolosar mendizaleak, Nepalgo zonalde ezezagun eta izkutuenekoa den horretan emakumeak mendeetan zehar jasaten duten bazterketa salatzeko asmoz, Pabitra, Saraswoti, Laxmi eta Sangitarekin batera mendia igotzen saiatuko da, Nepalgo gainontzeko emakumeentzat eredugarri izan dadin.


Sarrera 3 eurokoa izango da eta jasotako dirua NEPALDALA elkartearentzat bideratuko da. NEPALDALA Hondarribiko Aitziber Alza, Miren Beroz eta Olatz Lasak osatzen dute eta Ikusi proiektuaren barrenean, Nepaleko neska nahiz emakumeek ikasteko aukera izan dezaten lanean dihardute. Eta horrela lan munduan sartzeko moduan egon daitezen.


EGITARAUA


URTARRILAREN 11 LARUNBATA


9.45- 12.00 ESKALADA TAILERRA. Gazte eta umeentzat. Toki Ona kiroldegia


14.15 - 15.00 IZEN EMATEAK ETA DORTSAL BANAKETA. Rikardo Baroja Eskola


15.00 SANTA BARBARARA IBILALDI GIDATUA. Ibilbidea: 5.5 km, Kiroldegia - Santa Barbara - Kiroldegia


15.00 HAURRENTZAT LASTERKETA (12 urtez azpikoentzat)


15.30 BINAKAKO KRONOIGOERA. (16 urtez azpikoek heldu batekin joan beharko dute)


18.00 MERENDUA ETA ZOZKETAK Rikardo Barojako jantokian lasterkari nahiz oinezkoentzat


19.30 Filma. Kultur Etxean


" CHHAUPADI". Edurne Pasabanen expedizioa Himalayako aurpegi izkutuenera" Migueltxo Molina (Arena Producciones)


Sarrera : 3 euro NEPALDALA kolektiborentzat


BORTZIRIKO MENDI ERRONKA

Asteburu honetan lau Beratarrek egindako mendi itzuli bat kontatu nahi dizuegu, interesgarria irudituko zaizuelakoan. Alde batetik, ez delako oso ohikoa eta bertzetik, Bortziri osoan barrena doalako.


Bortziriko Mendi Erronka izena jarri diote eta duela urte batzuk Xabino Korta, Loro Pikabea eta Xabier Zubietak egindakoaren antzekoa da.


Ibilbidea honako hau izan da:


Lizunaga – Larun – Ibardin – Manttale – Endarlatza – Erlaitz - Aiako Harriak – Aritxulegi - Bianditz - Pagolleta – Izu – Ekaitza – Mendieder - Igantziko Bentak – Azkua – Etxalar – Lizaieta - Lizuniaga.


Larunbatean arratsaldeko 16:20etan atera ziren Lizuniagatik.


Km-ak guztira: 80,520


Denbora guztira: 23 ordu


Denbora mugitzen: 21 ordu


Desnibel metatua: 3.600 metro


Parte hartzaileak:


Irantzu Etxebeste, Andoni Lasaga eta Asier Irazoki Igantziko Bentatara arte joan ziren (57,4 km)


Ibai Iturriak erronka osoa egin zuen (80,5 km)


ZORIONAK LAUKOTE!


AGERRAKO BESTETAN OSPATZEN DEN XXXVII. LUIS MARI APEZTEGIA KROSSA ABUZTUAREN 24AN IZANEN DA

Berako Agerra Auzoko bestetan, urtero bezala, abuztuak 24an, larunbata, 38. aldiz Luis Mari Apeztegiaren oroimenezko krossa ospatuko da. Agerrako besten komisioak Manttaleren laguntzarekin antolatzen du proba hau eta 18tan hasiko da haurren lasterketekin. Txikienek 150 metroko distantzian parte hartuko dute, aurrebenjaminek 300, benjaminek 400, alebinek 800, eta infantilek 1.200ekoan.


18.30tan helduen lasterketa izanen da, bertan, junior, senior eta beteranoen kategoriek parte hartuko dute, eta distantzia ezberdinak burutuko dituzte kategoriaren arabera. Horrela juniorrek, (gizon eta emakume) bi bira emango diete auzoko zirkuitoari, 2900 metro osatuz.


Bai gizonezkoetan, baita bemakumezkoetan ere, senior eta beteranoek lau itzuli emango dituzte 5.800 metro lasterketa osatzeko.


Izen emateak, egunean bertan egin ahal izanen dira, irteeran eta proba bukatzerakoan sari banaketa egonen da irabazleentzat.


p

Mikel Beunza eta Lurdes Oiartzabal izan dira Berako Gau Krossaren irabazleak eta parte hartzaileen errekorra lortu da

Mikel Beunza eta Lurdes Oiartzabal izan dira atzo ospatutako Berako Gau Krossaren seigarren edizioaren irabazleak. Ultzamako korrikalariak ordu erdi pasata (33:37) behar izan zuen ibilbidea burutzeko, Bera ingurutik zazpi kilometrokoa errepide zein menditik eta 300 metroko desnibel positiboarekin. Manttaleko Asier Apezetxeak (34:22) eta Doneztebeko Erreka taldeko Iñigo Lasagak (34:29) osatu zuten podiuma. Beunza Gau Krossaren seigarren irabazle desberdina izan da, egin diren 6 edizioetan.


Emakumeen kategorian, Lizuniagako Igoeran hainbat aldiz irabazle izandako Lezoko Lurdes Oiartzabal estrainatu zen palmaresean 40:28ko denborarekin, Aiako Nerea Amilibia (40:56) eta Ane Elzaurdiaren (41:40) aurretik. Elzaurdia eta Gwendal Larqué izan ziren lehenengo beratarrak.


Guztira 154 korrikalarik hartu zuten parte, aurreko urteko marka gaindituz (139 partaide) eta errekor berri bat jarriz. Froga ambiente animatu batean ospatu zen, temperatura egokia izan zuen gauarekin eta ikusle ugari zein musika egonik ibilbidearen eremu desberdinetan.


Lasterketaren aurretik 70 eta 80ko hamarkadetan mendi lasterketetan Gure Txokoako kamisetarekin korrika egiten zuten pertsonak omendu ziren. Manttaleren izenean, Patxi Pikabeak Gure Txokoaren koloreak zituen kamiseta oroigarri bat eman zion korrikalari bakoitzari. Omendutakoak Bautista Telletxea, Andoni Garbisu, Xabier Eltzaurdia, Jose Mari Lasaga, Joxe Zubieta, Santiago Irazoki, Javier Iturria, Angel Blas, Juanma Irazoki eta Dionisio Fariña izan ziren. Gainera, hauetako gehiengoek Gau Krossean parte hartu zuten, eta lasterketaren buruan joan ziren irteera neutralizatuan Mukixuko zubira arte. Aldi berean, Patxi Pikabeak, Berako korrikalari ohiek lehiatzen zutenan gaztetxo bat besterik ez zena, bere semea den Ohianeren eskutik kamiseta bat jaso zuen.


Zinaurriak kuadrilla izan zen lehenengo sailkapenean, Zirzilaken aurretik, eta Eztakitek jaso zuen kuadrillarik haundienaren saria.


Lasterketa bukatzean eta sari zein opariak banatutakoan luntxa ospatu zen.


Lerro hauen bitartez lasterketan lagundu zuten pertsonei, instituzioei eta enpresa kolaboratzaileei eskerrak eman nahi dizkiegu lasterketa ospatzena posible izatea egiteagatik.


SAILKAPEN OROKORRA


BERAKO KORRIKALARI OHIEI OMENALDIA

Bihar ospatuko dugun Berako gau krossa baino ordu laurden bat lehenago omenaldi bat egingo diegu duela urte askotatik mendi lasterketatan ibili diren Berako korrikalariei. Omendutakoak, Gure Txokoaren kamisetarekin korrika egiten zutenak, garai batean lasterketatan parte hartzeko elkartzen ziren korrikalarien taldea izango da.


Bautista Telletxea, Andoni Garbisu, Xabier Eltzaurdia, Jose Mari Lasaga, Joxe Zubieta, Santiago Irazoki, Javier Iturria, Angel Blas, Juanma Irazoki eta Dionisio Fariña.


5 FRONTALEN ZOZKETA BERAKO GAU LASTERKETAN PARTE HARTUKO DUTEN GUZTIEN ARTEAN PETZL MARKAREN ESKUTIK

Ortzegun honetan burutuko den Berako gau lasterketan parte hartzen duten korrikalari guztien artean, Petzl markako 5 frontal zozketatuko dira lasterketa bukatutakoan. Petzl, eskalada, alpinismoa, abentura edota espeleologiarentzako materialak komertzializatzen duen marka bat da.


Azken urte hauetan izan dugun laguntzarekin kontatuko dugu aurten ere Berako gau lasterketan Petzl markaren eskutik. Lasterketa Ortzegun honetan, Abuztuak 1, gaueko 22.15-etan merkatu plazan.




www.petzl.com webgunea

16 TALDEK HARTU ZUTEN PARTE X. ALKAIAGA TRAILEAN

Pasa zen larunbatean 16 taldek hartu zuten parte Alakiaga Trail errelebuko lasterketaren hamargarren edizioan. Ane Elzaurdia, Adrián Gajate eta Asier García izan ziren hiru ibilbideak egiten azkarrenak, 51 minutu eta 30 segunduko denborarekin, Ainhoa Etxegarai, Andoni Garbisu eta Agoitz Alzugarai (53:36) hirukoteak baino 2 minutu azkarrago izanik. Podiuma M. Matxikote, Beñat Irazoki eta Asier Apezetxeak osatu zuten, 54:01eko denborarekin.


Aurreko edizioetan bezala, Manttale eta Alkaiagako besta batzordeak antolatuta, lasterketak errelebuka egin beharreko hiru ibilbide desberdin izan zituen auzoaren inguruan. Hiruketeetan, korrikalari gazte asko egon ziren beteranoekin


Helduen lasterketaren aurretik, umeentzako hainbat lasterketa egin ziren, parte-hartzea ona izanik.


Sari banaketaren ondoren korrikalari, lagun eta auzokoentzat afaria egon zen, 150 pertsona inguru bildu zituena.


2019ko SAILKAPEN OROKORRA

BERAKO VI. GAU KROSA ABUZTUAREN 1EAN OSPATUKO DA

Lasterketaren aurretik omenaldi bat egingo zaie Berako mendi lasterketetako korrikalari ohi ospetsuei


Berako Gau Krossaren 6. edizioa abuztuaren 1 ean, ostegunean, ospatuko da 22.15etan. Aurreko urtean bezala, ibilbideak 7,4 kilometro eta 300 metrotako desnibela izanen ditu. Herriko kale eta inguruetatik pasako da eta helburu bezala, festen aurrekari izatea eta Berako zein Bortzirietako jendea parte hartzera bultzatzea izanen ditu.


Lasterketa hasi baino 15 minutu lehenago, 22.00etan, irteerako gunean Berako mendi lasterketetako korrikalari ohi ospetsuei omenaldi bat eginen zaie.


200 partaidera mugatuko den izen ematea irekita dago Manttaleren webgunean IZEN-EMATEA ITXITA ONLINE. Izen emateak 10 euro balioko du eta egunean bertan izena eman nahi izanez gero 15 euro balioko du. Inskripzioak istripu asegurua, Ptzel markarko frontalen zozketan parte hartzea eta lasterketaren ondoko lunch-a barne hartzen ditu.


Izen ematea ordenagailuan egitea gomendatzen dugu eta ez mugikorretik segurtasun gehiago izateko.

2002 eta 2006 urteen artean jaiotako gazteek ere izen ematea Manttaleren webetik egin ahal izango dute, baina derrigorrezkoa izango da dortsala jasotzerako orduan gurasoetako batek sinatutako baimena ekartzea. Manttaleren webetik deskargatu daiteke dokumentua. Baimen hori gabe ezin izango dute lasterketan parte hartu.


Dortsalak egunean bertan jaso ahal izango dira 20.00tatik aurrera irteera gunean.


Bi kategoria egonen dira (gizonezkoena eta emakumezkoena) eta gainera koadrilekako sailkapenean sari ezberdinak emango dira. Hala nola, Berako bi lehenengo koadrilei saria emango zaie eta parte hartzaile gehien biltzen dituen koadrilari ere saria emanen zaio.


Derrigorrezkoa izanen da frontala eramatea (antolakuntzak ez ditu bere gain hartuko frontalik ez duen partaideari gertatzen ahal zaizkion ezbeharrak), baina hala ere ibilbidea ongi seinalizatuta egonen da baliza reflektante eta boluntarioekin. Lasterketa ondoren, sari banaketa eta gero, garagardoa eta pintxoak egongo dira korrikalarientzako.


Elkarretaratzea Gau Krossaren ibilbidea egiteko


Datorren asteazkenean, uztailak 24, elkarretaratze bat antolatu dugu Berako Gau Krossaren ibilbidea egiteko. Altzateko plazan elkartuko gara 22.00etan eta frontala ekartzea derrigorrezkoa izango da.


Ibilbidea, Merkatu plazan irteera eta helmuga dituelarik, aurreko urtekoa bezalakoa izanen da: Altzateko Merkatu Plaza (irteera), Altzate karrika, Mukixu, Julio Caro Baroja karrika, Ugalzubia, Matzada, Illekueta, Altzateko plaza, Altzate karrika, Legia, Matzenborda, Ezpondakoborda, Lazarenborda, Plaza Zaharra, Gernikako arbola karrika, Xubixabal, Bidasoa karrika, Espidobaita, (pareko eskaileretatik goituta), Kaxerna, Garmendiko Borda, Haritzalde, Mitxinborda, egurregi (ibilbide aldaketa, Garakoetxeko Borda, Sarron, Lamixene, Illekueta, Altzateko Merkatu Plaza (helmuga).



AGERRA MENDI TALDEAK ETA MANTTALEK GAVARNIE ETA TAILLONERA IRTEERA EGINGO DUTE UZTAILAREN 13AN

Bi urtero bezala, Agerra Mendi Taldeak eta Manttalek mendi irteera bat antolatu dute Gavarnie-Bujaruelo eta Taillonera, Piriniotan. Txango hau uztailaren 13an eginen da eta parte hartzean interesatuta dagoen orori zuzenduta dago.


Agerra Mendi Taldeak eta Manttalek, bi mailetako bi irteera desberdin prestatu dituzte. Bietatik eramangarriena Gavarnie herritik irtengo da Bujarueloko lepora igotzeko, 4 ordu inguruko ibilbidea eta 600 metroko desnibelarekin.


Beste aukera, gogorragoa izango dena, col de Tentesetik aterako da, Bujaruelotik pasa eta Sarradetseko aterpetxera iristeko. Bertatik Errolanen Bretxa igoko da eta hortik Taillonera. Itzulera bide berdinetik izanen da eta 6 ordu inguruko iraupena eta 1.200 metroko desnivela egingo dugula kalkulatu dugu


Ondoren, bi martxetako partaideak Bujaruelon elkartuko dira, Taillonen zendutako Loro Pikabea, Xabier Zubieta eta Xabier Saralegiren omenezko monolitoan. Omenaldiaren ondoren Gavarnie herriaren ondoan bazkaria eginen da.


Txangoa goizeko 5.30tan irtengo da Iamoteneako parkinetik, Beran, eta arratsaldeko 21.00-22.00etarako iritsiko da berriz Berara. Prezioa 15 eurokoa da eta autobus, bidaia eta bazkaria barne daude prezio horretan.

Izen emateak mugatuak dira eta Agerrako Pikabea Harategian eta Altzateko Agara Prentsan egingo dira. Izena emateko orduan izena, abizena, telefono zenbakia eta posta elektronikoa eman beharko dira.


Gavarnieko zirkura eta Taillonera eskurtsioa


Data: Larunbata, uztailak 13.


Irteera lekua eta ordua: 5.30. Iamoteneako parkinetik, Beran


A aukera: Gavarnie-Bujarueloko lepoa. Iraupen hurbildua: 4 ordu. 600 metroko desnibela.


B aukera: Col de Tentes-Bujarueloko lepoa-Sarradetseko aterpetxea-Rolandeko bretxa-Taillon-Rolandeko bretxa-Sarradetseko aterpetxea-Bujarueloko lepoa. Iraupen hurbildua: 6 ordu. 1200 metroko desnibela


Prezioa: 15 euro (bidaia eta bazkaria barne)


Izen emateak Agerrako Pikabea Harategian eta Altzateko Agara Prentsan.


X. ALKAIAGA TRAILA UZTAILAREN 20EAN OSPATUKO DA

Alkaiagako besten komiteak eta Manttale Mendi Lasterketa taldeak antolatuta X. Alkaiaga traila uztailaren 20ean ospatuko da 18.00etatik aintzinerat. Aurreko urteetan bezala, lasterketa auzoko inguruetatik igaroko da eta taldeak 3 partaideetakoak izanen dira, emakume batez gutxienez osaturikoak.


Taldeek, erreleboka auzo ingurutik egin beharko dute ibilbidea Baldrun-Sorotik. Korrikalari batek lehenengo itzuli motza egingo du, 2 kilometrotakoa eta 75 metroko desnivela daukana, bigarrengoak luzexeago bat 3 kilometrotakoa eta 105 metrotako desnibela daukana eta azkenak 4 kilometro eta 155 metroko desnibela daukan ibilbide bat. Irteera eta helmuga Alkaiagako zonalde altuan egonen da eta errelebista bakoitzak arto mazorka bat eramango du lekuko gisa.


Antolatzaileek gomendatzen dute, taldeak aldez aurretik eginak izatea eta partaideen izen abizenak mailez bidaltzea alkaiagatrail@hotmail.com helbidera. Talderik izan ezean, antolatzaileek, egunean bertan izena ematen duten parte hartzailentzat taldeak antolatuko dituzte, beti ere kontuan izanda 3ko talde bakoitzean emakumezko bat egon behar duela.


Helduentzako lasterketa baino lehen, haurrentzako lasterketak ospatuko dire 17:30tan.


Errelebokako lasterketaren izen emateak 7 euro balioko ditu eta egunean bertan ordaindu daiteke edota lehenagotik Pikabea harategian Beran. Lehenengo 3 taldeentzako gainera sariak egonen dire. Izen ematean ordaintzen diren 7 euroak eskubidea ematen dute gero ospatuko den afarira joateko eta bertara, ikusle, bizilagun, e.a ere etor daitezke. Hauentzat guztientzat ere 7 eurotan izanen da afariko sarrera.

Data: Uztailaren 20ean


Ordua: 18.00 (helduak). 17.30 (haurrak)


Ibilbidea: 3 kilometro. 3 partaidez osatutako taldekako lasterketa eta emakumezko batez gutxienez osaturikoa. Aldez aurreko izen ematea alkaiagatrail@hotmail.com helbide elektronikoan.


Izen ematea: Egunean bertan 7 eurotan (afaria barne)


Sariak: Lehenengo 3 taldeentzako.


GR-11 LYMEREN SENDAGAI

¡Kilometroak sendagai bilaka ditzagun denen artean!


Ekainaren 7an, Berako Ibai Iturria mendizaleak Pirinioetan erronka bat hasiko du Lyme elkartea laguntzeko, gaixotasun honen aurka borrokatu behar duten pertsona eta familiak elkartzen dituena.


Ibai Hondarribitik aterako da, 17 etapatan Andorrara heltzeko asmoz, ekainaren 23an. Bi aste hauetan zehar 570 kilometro inguru egingo ditu. Lyme elkartea laguntzeko, erronka hau proiektu sozial bilakatu du. Modu honetan, bidean egingo dituen kilometro guztiak dohain moduan erosi ahal izango dira, era indibidualean edo kolektiboan. Horretarako, dohain bat egin beharko da hurrengo kontu korrontera.


Bankoa – ES09 0138 0010 40 0020719877


Proiektuari buruz gehiago jakiteko HEMEN KLIKATU

ESKERRIK ASKO DENEI!

Lerro hauen bitartez XV. Berako Mendi Maratoi Erdia antolatzeko jaso dugun laguntza guztia eskertu nahi dugu. Eskerrik asko boluntario, parte hartzaile, publiko, elkarte, babesle, kolaboratzaile eta guretzako dena errezagoa izatea egiten duzuen guztiei. 2020an ikusiko dugu elkar.


OIER ARIZNABARRETA ETA AINHOA SANZ IZAN DIRA GARAILE XV. BERAKO MENDI MARATOI ERDIAN

Oier Ariznabarreta (Durango), ordu bat, 39 minutu eta 38 segundoko denborarekin, eta Ainhoa Sanz (Urretxu), ordu bat, 56 minutu eta 56 segundoko markarekin, izan dira gaur Beran (Nafarroa) ospatu den Mendi Maratoi Erdiko hamabosgarren edizioaren irabazleak. Ariznabarretak ez du arazorik izan seigarren aldiz jarraian gizonezkoen kategorian gailentzeko, Walter Bezerra eta Xabier Zarranzen aurretik, 21 kilometro eta 2.700 metroko desnibela duen ibilbidean.


Ariznabarreta lehenengo metrotik jarri da lasterketaren buru, eta Larunen, bidearen punturik altuenean, 3 minutu baino gehiagoko tartea zuen.


Oierrek ezin izan du 2014an berak jarri zuen errekorra hobetu, ordu bat, 37 minutu eta 30 segundoko denborarekin. Ibardingo tarteko helmuga, 150 euroko sariarekin, Ariznabarretak eraman du baita ere.


Emakumezkoen kategorian Ainhoa Sanzek irabazi du lehenengo aldiz, eta gainera errekorra hobetuz. Goierri Garaia taldeko korrikalaria ibilbidea 2 ordu baino gutxiagotan egitea lortu duen lehenengo emakumea izan da, Berako Mendi Maratoi Erdia ospatu den 15 urte hauetan, eta Laura Solak 2014an egindako errekorra (2:00:10) puskatu du. Oihana Kortazar, bigarren sailkatua, 2 ordutatik jaistetik hurbil egon da ere, 2 ordu eta 45 segundoko denborarekin. Podioa Maria Zorrozak bete du 2:03:20 denborarekin.


Beratik Ibardinerako gazte trailean, 14 eta 17 urteen arteko gazteen lasterketan, Peio Iturria, Oihan Pikabea eta Jokin Irazokik irabazi dute, eta emakumeen kategorian Ainhoa Etxegarai gailendu da Lorea Zubietaren aurretik.


Taldeka Goierri Garaia taldeak irabazi du, Idiazabalen aurretik.


Guztira 543 korrikalarik parte hartu dute frogan, zeinetatik 532k bukatzea lortu dute. Lasterketa ikusten egon den jendarte anitzak eguraldi fresko batean, baina eguzki zein euririk gabe, eman den lasterketaz gozatu ahal izan du. Ez da nabarmendu beharreko gertakari larririk egon.


Izabako Txapatera landetxean asteburu baten zozketako boleto saritua 98 zenbakiduna izan da.


200 haur baino gehiago larunbateko lasterketetan


Larunbatean egin ziren haurren lasterketen lehenengo edizioa arrakasta haundi bat izan zen. 220 haur inguruk hartu zuten parte, mutil zein neskak, Matzada futbol zelai inguruan adinka eta luzeeratan banatuta egin ziren frogetan.


Lasterketa bukatzean gaztetxoek korrikalariaren poltsa bat eta txokolatadaz gizatu ahal izan zuten.


Horren ondotik, Berako kultur etxean Iker Karreraren solasaldi interesgarria egon zen, Unai Ugartemendia kazetariak moderatuta.


ARGAZKIAK: Mundutik begietara


SAILKAPENA: SAILKAPENAK


EUSKADIKO LYME GAIXOTASUNAREN ELKARTEARI MANTTALEREN ELKARTASUNA

Manttalek Berako Mendi Maratoi Erdiaren eguna erabili nahi du Lyme eritasunaren aurka borrokatzen ari diren gaixo eta familiarrei elkartasuna luzatzeko.


Korrikalari guztiek poltsan triptiko bat jasoko dute gaixotasun hau saiesteko aholku eta jarraibideekin, gainera izen emateen mahaian informazio gehiago kontsultatu ahalko da. Aldi berean, egunean bertan Euskadiko LYME gaixotasunaren elkarteak stand bat jarriko du irteera ate helmuga eremuan min honi buruzko informazioarekin.


Manttalek mendi inguruan ekintza asko egiten dituenez, eta Lyme gaixotasuna horrelako lekuaten har daietekenez, ideia ona iruditu zaigu jende askorentzat ezezaguna den eritasun hau dituzten gaixoak eta haien familiak laguntzea.


Euskadiko LYME gaixotasunaren elkarteak informazio guztia eskaintzen du a-lyme web orrian.


1 2 3 4 5 6 7

Twitter

Facebook

Eguraldia

BERA, NAVARRE EGURALDIA